കടയ്ക്കല്‍: റിട്ട. എസ്ഐ യുടെ ജീപ്പ് ഇടിച്ച് യുവാവ് മരിച്ചു. ടൂറിസ്റ്റ് ബസ് ജീവനക്കാരന്‍ അനില്‍കുമാറാണ് (30) മദ്യലഹരിയില്‍ റിട്ട. എസ്ഐ ഓടിച്ച ജീപ്പ് ഇടിച്ച് മരിച്ചത്. അനില്‍ കുമാറിന്റെ കൂടെയുണ്ടായിരുന്ന വാമനപുരം സ്വദേശി സുഖിലിന് (21) ഗുരുതര പരിക്കേറ്റു. കഴിഞ്ഞദിവസം രാത്രി മടത്തറ റോഡില്‍ പാങ്ങലുകാട്ടിലായിരുന്നുസംഭവം. പരുക്കേറ്റവരെ റോഡില്‍ ഉപേക്ഷിച്ചു ജീപ്പുമായി കടന്ന റിട്ട.എസ്ഐ ചിതറ കല്ലുവെട്ടാംകുഴി എച്ച്ആര്‍ നിവാസില്‍ എച്ച്.ഹുസൈനെ (57) നാട്ടുകാര്‍ പിന്തുടര്‍ന്നു. തുടര്‍ന്നു പൊലീസ് വീട്ടില്‍ എത്തി പിടികൂടി. ഇടിയെത്തുടര്‍ന്നു ബൈക്കുയാത്രക്കാരെയും വഹിച്ചുകൊണ്ട് ഏറെ ദൂരം ഓടിയശേഷമാണ് ജീപ്പ് നിന്നത്. വണ്ടി നമ്പര്‍ തിരിച്ചറിഞ്ഞതിനെ തുടര്‍ന്നാണ് നാട്ടുകാര്‍ ജീപ്പിനെ പിന്തുടര്‍ന്നത്. ജീപ്പില്‍ കൂടുതല്‍ പേര്‍ ഉണ്ടായിരുന്നതായി സംശയിക്കുന്നു. അനില്‍കുമാറിനെ തിരുവനന്തപുരം മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും പുലര്‍ച്ചെ മരിച്ചു. സുഖിലിനെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
Post Your Comments