കാക്കനാട്: നുമ്മ ഊണ് വിവരങ്ങള്‍ അറിയാൻ ഇനി മുതൽ വെബ്‌സൈറ്റും . ജില്ലാ ഭരണകൂടത്തിന്റെ വിശപ്പുരഹിത നഗരം പദ്ധതി നുമ്മ ഊണ് വിവരങ്ങളാണ് ഇനി വെബ്‌സൈറ്റിലും ലഭ്യമാകുക. കളക്ടറേറ്റില്‍ ഇന്നലെ നടന്ന ചടങ്ങില്‍ പെട്രോനെറ്റ് എല്‍.എന്‍.ജി ലിമിറ്റഡ് മനേജിങ് ഡയറക്ടറും സി.ഇ.ഒ.യുമായ പ്രഭാത് സിംഗ് വെബ്‌സെറ്റ് ഉദ്ഘാടനം ചെയ്തു. ജില്ലാ കളക്ടര്‍ മുഹമ്മദ് വൈ സഫീറുള്ള അധ്യക്ഷത വഹിച്ചു.
ഒരു പരീക്ഷണാടിസ്ഥാനത്തിൽ തുടങ്ങിയ പദ്ധതി എട്ടു മാസം പിന്നിടുമ്പോള്‍ പൊതുജനപങ്കാളിത്തത്താല്‍ വിപുലവും അര്‍ത്ഥപൂര്‍ണ്ണവുമായി മാറിയിരിയ്ക്കുകയാണ്. അതിനാലാണ് വെബ്‌സൈറ്റ് ആരംഭിക്കാന്‍ തീരുമാനിച്ചത്. ഏതൊക്കെ തരത്തില്‍ പദ്ധതിയുടെ ഭാഗമാകാന്‍ കഴിയുമെന്ന് പൊതുജനങ്ങള്‍ക്ക് മനസ്സിലാക്കാന്‍ സാധിക്കും. സുസ്ഥിരവികസനം എന്ന സങ്കല്‍പ്പമാണ് പദ്ധതിയുടെ നടത്തിപ്പിന് ആധാരമെന്നും കളക്ടർ പറഞ്ഞു.
Post Your Comments