ബൈക്ക് മോഷണം; മൂന്ന് യുവാക്കൾ അറസ്റ്റിൽ

തിരുവല്ല: ബൈക്ക് മോഷണം മൂന്ന് യുവാക്കൾ അറസ്റ്റിൽ. ചെങ്ങന്നൂരിൽനിന്ന്‌ മോഷ്ടിച്ച ബൈക്കുമായി 3 യുവാക്കളെ തിരുവല്ല പോലീസാണ് അറസ്റ്റ് ചെയ്തത്. കിടങ്ങന്നൂർ അമൽ(22), നന്നൂർ വിഷ്ണു സുരേഷ്(23), കുഴിക്കാലതടത്തിൽ അശ്വിൻ ഷിബു(18)എന്നിവരാണ് അറസ്റ്റിലായത്.

അമിതവേ​ഗതയിൽ ബൈക്കിൽ എത്തിയ യുവാക്കളെ വാഹനപരിശോധനയ്ക്കിടെ പോലീസ് തടയുകയായിരുന്നെന്ന് ഇൻസ്‌പെക്ടർ പി.ആർ.സന്തോഷ് അറിയിച്ചു. ചെങ്ങന്നൂർ സ്വദേശി രാമചന്ദ്രന്റെ പൾസർ ബൈക്കാണ് കഴിഞ്ഞ ദിവസം ഐ.ടി.ഐ. ജങ്ഷന് സമീപത്തുനിന്ന്‌ പ്രതികൾ മോഷ്ടിച്ചത്. അമലിന്റെ നേതൃത്വത്തിലായിരുന്നു കവർച്ച നടത്തിയത്. ഇയാൾ നേരത്തെയും ഇത്തരം കേസുകളിൽ ഉൾപ്പെട്ടിട്ടുള്ളതായി പോലീസ് പറഞ്ഞു.