പാറ്റ്ന: സ്കൂളില്‍ അക്രമിസംഘം അഴിഞ്ഞാടി 34 പെണ്‍കുട്ടികള്‍ക്കു പരിക്ക്. ബിഹാറിലെ റെസിഡന്‍ഷല്‍ സ്‌കൂളിൽ കഴിഞ്ഞ ദിവസമായിരുന്നു സംഭവം. അക്രമിസംഘം സ്കൂളില്‍ അതിക്രമിച്ചുകയറി പെണ്‍കുട്ടികളെ മര്‍ദിക്കുകയായിരുന്നു. പരിക്കേറ്റ പെണ്‍കുട്ടികളെ സൗപോള്‍ ജില്ലയിലെ ത്രിവേണിഗഞ്ചിലുള്ള ആശുപത്രിയില്‍ ചികിത്സയിലാണ്.
കസ്തൂര്‍ബ റെസിഡന്‍ഷല്‍ സ്കൂളില്‍ അതിക്രമിച്ചു കയറിയ പ്രദേശത്തെ യുവാക്കള്‍ വിദ്യാര്‍ഥിനികളോട് മോശമായി പെരുമാറി. ഇവരോടു തിരികെപോകാന്‍ ആവശ്യപ്പെട്ടെങ്കിലും യുവാക്കള്‍ സ്കൂളില്‍ തുടര്‍ന്നു. ഇതേതുടര്‍ന്ന് വിദ്യര്‍ഥിനികള്‍ സംഘത്തിലുണ്ടായിരുന്ന യുവാക്കളെ അടിച്ചു. ഇതോടെ തിരിച്ചുപോയ സംഘം പിന്നീട് മാതാപിതാക്കളെയും ബന്ധുക്കളെയും കൂട്ടി സ്കൂളിലേക്ക് ഇരച്ചുകയറുകയും പെണ്‍കുട്ടിയെ അടിക്കുകയുമായിരുന്നു.
Post Your Comments