കൊച്ചി: സ്വന്തം മണ്ണിലെ ആദ്യമത്സരത്തിൽ മുംബൈ സിറ്റി എഫ്‌സിയെ നേരിടാനൊരുങ്ങി കേരള ബ്ലാസ്റ്റേഴ്‌സ്. കൊച്ചി ജവഹര്‍ലാല്‍ നെഹ്‌റു സ്‌റ്റേഡിയത്തില്‍ രാത്രി 7.30 നാണു മത്സരം. ആദ്യ മത്സരത്തില്‍ എടികെയ്‌ക്കെതിരെ നേടിയ രണ്ട് ഗോള്‍ ജയത്തിന്റെ ആത്മവിശ്വാസത്തിലാണ് ബ്ലാസ്റ്റേഴ്‌സ് ഇറങ്ങുന്നത്.
ടീം തെരഞ്ഞെടുപ്പില്‍ യുവാക്കള്‍ക്ക് പ്രാധാന്യം നല്‍കിയ ജെയിംസിന്റെ കണക്കുകൂട്ടലുകള്‍ക്കൊത്ത പ്രകടനം തന്നെയാണ് കഴിഞ്ഞ മത്സരത്തില്‍ ബ്ലാസ്റ്റേഴ്‌സ് കാഴ്ചവെച്ചത്. കൊല്‍ക്കത്തയ്‌ക്കെതിരായ മത്സരത്തില്‍ ടീം നേടിയ രണ്ട് ഗോളുകളും സ്ലാവിസ സ്റ്റൊയാനോവിച്ചും, മറ്റേജ് പോപ്ലാന്റികും ചേര്‍ന്നായിരുന്നു സംഭാവന ചെയ്തത്. ഇയാന്‍ ഹ്യൂമിന് പകരം ടീമിന് മുതല്‍ക്കൂട്ടാകാന്‍ പോപ്ലാന്റികിന് സാധിക്കുമെന്നാണ് ആരാധകരുടെ പ്രതീക്ഷ.
Post Your Comments