ലോറിക്ക് പിന്നിൽ കാറിടിച്ച് രണ്ടു മരണം

മൂവാറ്റുപുഴ: ഈസ്റ്റ് മാറാടിയിൽ അപകടത്തിൽ രണ്ട് മരണം. കമ്പി കയറ്റി വന്ന ലോറിക്ക് പിന്നിൽ കാറിടിച്ച് കാർ യാത്രക്കാരായ കൂത്താട്ടുകുളം വെളിയന്നൂർ തുർക്കിയിൽ സുബിൻ എബ്രഹാം (34), കൂത്താട്ടുകുളം തലയന്താനിക്കൽ ജിജി മാത്യു (52) എന്നിവർ മരിച്ചു.

മൂവാറ്റുപുഴ – കൂത്താട്ടുകുളം എം.സി. റോഡിലാണ് അപകടം സംഭവിച്ചത്. മൂവാറ്റുപുഴ നിന്ന് കൂത്താട്ടുകുളം ഭാഗത്തേക്ക് പോകുകയായിരുന്ന ലോറിക്കു പിന്നിൽ കാറിടിക്കുകയായിരുന്നു. കാറിന്റ മുൻഭാഗം തകർന്നു. അകത്ത് കുടുങ്ങിക്കിടന്നവരെ നാട്ടുകാരും മൂവാറ്റുപുഴ ഫയർഫോഴ്‌സും ചേർന്ന് കാറ് വെട്ടിപ്പൊളിച്ച് പുറത്തെടുത്ത് ആശുപത്രിയിലെത്തിച്ചെങ്കിലും രക്ഷിക്കാനായില്ല.