സോനാപേട്ട്: സഹോദരങ്ങളെ വെടിവച്ച് കൊലപ്പെടുത്തിയ കേസിൽ ദില്ലി സർവ്വകലാശാല വിദ്യാർത്ഥി അൻഷു (21) അറസ്റ്റില്‍. ഹരിയാനയിലെ സോനാപേട്ടിൽ ഒരു വര്‍ഷം മുമ്പാണ് കേസിന് ആസ്പദമായ സംഭവം ഉണ്ടായത്. വ്യക്തി വൈരാഗ്യമാണ് കൊലപാതകത്തിന് കാരണമെന്നാണ് പൊലീസിന്റെ നിഗമനം. ഒരു വിവാഹത്തിൽ പങ്കെടുക്കാനെത്തിയ കൊല്ലപ്പെട്ട സഹോദരങ്ങളിൽ ഒരാളായ ആശിഷുമായി (25) അൻഷു ഏറ്റുമുട്ടി. തർക്കം മൂത്തപ്പോൾ ആശിഷ് അൻ‌ഷുവിനെ മർദ്ദിച്ചു.
ആളുകള്‍ക്ക് മുന്നില്‍ വച്ച് അപമാനിക്കപ്പെട്ടതാണ് വൈരാഗ്യത്തിന് കാരണമായത്. ഏറെ നാളത്തെ ഗൂഡാലോചനയക്ക് ശേഷമാണ് പകരം വീട്ടാന്‍ തീരുമാനിച്ചത്. അൻഷു സുഹൃത്തുക്കളായ സന്ദീപ്, രോഹിത്, മന്നു, അരുൺ, കാർത്തിക് എന്നിവരെ നരേലയിൽ നിന്ന് വിളിച്ചുവരുത്തുകയും സെപ്തംബറിൽ ആക്രമണത്തിന് പദ്ധതി തയ്യാറാക്കുകയും ചെയ്തു. ആശിഷിനെ രക്ഷിക്കുന്നതിനായി എത്തിയ സഹോദരൻ ഹിമനാഷുവിന് നേരെയും അൻഷു വെടിയുതിർക്കുകയായിരുന്നു. പ്രതിയുടെ പക്കൽ നിന്ന് പൊലീസ് തോക്ക് കണ്ടെടുത്തു.
Post Your Comments