നോർത്ത് ഈസ്റ്റിന് മുന്നിൽ മുട്ടുമടക്കി എ​ടി​കെ; രണ്ടാം മൽസരത്തിലും തോൽവി

കോ​ൽ​ക്ക​ത്ത: ഇ​ന്ത്യ​ൻ സൂ​പ്പ​ർ ലീ​ഗി​ൽ തുടർച്ചയായ രണ്ടാം മൽസരത്തിലും തോൽവിയേറ്റുവാങ്ങി എ​ടി​കെ. എ​തി​രി​ല്ലാ​ത്ത ഒ​രു ഗോ​ളി​നാ​ണ് നോ​ർ​ത്ത് ഈ​സ്റ്റ് യു​ണൈ​റ്റ​ഡി​നോ​ടു എ​ടി​കെ തോ​ൽ​വി വ​ഴ​ങ്ങി​യ​ത്. 89-ാം മി​നി​റ്റി​ൽ റൗ​ളി​ൻ ബോ​ർ​ഗെ​സാ​ണ് നോ​ർ​ത്ത് ഈ​സ്റ്റി​ന്‍റെ വി​ജ​യ​മു​റ​പ്പി​ച്ച ഗോ​ൾ നേ​ടി​യ​ത്. സമനിലയിലേക്കെന്ന് ഉറപ്പിച്ച മൽസരത്തിന്റെ അവസാന മിനിറ്റുകളിലാണ് നോർത്ത് ഈസ്റ്റ് യുണൈറ്റഡിന്റെ നേട്ടം. എ​ടി​കെ​യു​ടെ മു​ന്നേ​റ്റ​ത്തോ​ടെ​യാ​ണ് മ​ത്സ​രം ആ​രം​ഭി​ച്ച​ത്. എ​ന്നാ​ൽ 32-ാം മി​നി​റ്റി​ൽ ര​ണ്ടാം മ​ഞ്ഞ​ക്കാ​ർ​ഡും ഒ​പ്പം റെ​ഡ് കാ​ർ​ഡും വാ​ങ്ങി സേ​ന റാ​ൾ​ട്ടെ പു​റ​ത്താ​യ​തോ​ടെ എ​ടി​കെ പ​ത്തു​പേ​രാ​യി ചു​രു​ങ്ങി.

35–ാം മിനിറ്റു മുതൽ 10 പേരുമായി നോർത്ത് ഈസ്റ്റ് ആക്രമണങ്ങളെ പ്രതിരോധിച്ച എടികെയ്ക്ക്, ഒരു നിമിഷം ശ്രദ്ധ പതറിയ നിമിഷത്തിലായിരുന്നു നോർത്ത് ഈസ്റ്റിന്റെ ഗോൾ. ഇതോടെ, രണ്ടു കളികളിൽനിന്ന് നാലു പോയിന്റുമായി നോർത്ത് ഈസ്റ്റ് പോയിന്റ് പട്ടികയിൽ ഒന്നാമതെത്തി. ആദ്യ മൽസരത്തിൽ നോർത്ത് ഈസ്റ്റ്, എഫ്സി ഗോവയുമായി രണ്ടു ഗോളടിച്ച് സമനില പാലിച്ചിരുന്നു. തുടർച്ചയായ രണ്ടാം തോൽവിയോടെ അവസാന സ്ഥാനത്താണ് എ​ടി​കെ.