പാലക്കാട്∙ സെർവർ പ്രശ്നത്തിനു താൽക്കാലിക പരിഹാരമായി, റേഷൻ വിതരണം പുനരാരംഭിച്ചു. ഇ പോസ് മെഷീൻ തകരാറിനെത്തുടർന്നാണു ജില്ലയിൽ റേഷൻ വിതരണം മുടങ്ങിയത്. ഇപോസിൽ നിരന്തരമുണ്ടാകുന്ന തകരാറിൽ പ്രതിഷേധിച്ചു വ്യാപാരികൾ കടയടച്ചു സമരം നടത്തി. മെഷീൻ തകരാറിനെത്തുടർന്നു കഴിഞ്ഞ മാസത്തെ റേഷൻ വിതരണം ഈ മാസം ആറുവരെ നീട്ടി.
സെർവർ പ്രശ്നം റേഷൻ കാർഡിന്റെ നമ്പർ രേഖപ്പെടുത്തുന്നതിനും മറ്റും കാലതാമസം വരുത്തി. തിരക്ക് അനുഭവപ്പെടുന്ന വൈകുന്നേരങ്ങളിലാണു തുടർച്ചയായി തകരാറുണ്ടായത്. ഇതു റേഷൻ കടകളുടെ പ്രവർത്തനത്തെയും ബാധിച്ചു.
Post Your Comments