കൊല്‍ക്കത്ത : കൊല്‍ക്കത്തയിലുണ്ടായ സ്‌ഫോടനത്തിൽ ഒരാൾ മരിച്ചു. വടക്കന്‍ കൊല്‍ത്തയിലെ നാഗര്‍ബസാറിൽ രാവിലെ ഒന്‍പതുമണിയോടെ നഗരത്തിലെ ബഹുനില വ്യാപാര കെട്ടിടത്തിന്റെ താഴത്തെ നിലയിലുള്ള പഴക്കടയുടെ മുന്നിലായിരുന്നു സ്ഫോടനം. നിരവധി പേര്‍ക്ക് പരിക്കേറ്റു. 4 പേരുടെ നില അതീവ ഗുരുതരമാണ്. 6 പേര്‍ക്ക് നിസാരമായി പരിക്കേറ്റു.
ഗ്യാസ് സിലണ്ടര്‍ പെട്ടിത്തെറിച്ചതാണെന്നാണ് ആദ്യം പ്രദേശവസികള്‍ കരുതിയത്. പിന്നീട് സംഭവസ്ഥലത്തെത്തി ഫോറന്‍സിക് വിദഗ്ധരും ഡോഗ് സ്‌ക്വാഡും പൊലീസും നടത്തിയ പരിശോധനയില്‍ തീവ്രവാദ സ്വഭാവമുള്ള സ്ഫോടനം തന്നെയാണ് നടന്നിരിക്കുന്നതെന്നാണ് പ്രാഥമിക നിഗമനം. ഫോറന്‍സിക് വിദഗ്ധരുടെ റിപ്പോര്‍ട്ട് കൂടി ലഭിച്ച ശേഷമേ എന്ത് വസ്തുവാണ് പൊട്ടിത്തെറിച്ചതെന്ന് വ്യക്തമാക്കാന്‍ കഴിയൂ എന്നാണ് അധികൃതർ അറിയിച്ചത്
Post Your Comments