പ്രമുഖ ഫുട്ബോള്‍ താരം വിരമിച്ചു

സിഡ്നി : ഓസ്ട്രേലിയന്‍ ഫുട്ബോള്‍ ടീം ക്യാപ്റ്റന്‍ മിലേ വിരമിച്ചു. ഏഷ്യാ കപ്പ് നടക്കാന്‍ വെറും മൂന്ന് മാസം മാത്രം ബാക്കി നില്‍ക്കെയാണ് ഓസ്ട്രേലിയന്‍ ദേശീയ ഫുട്ബോള്‍ ടീം ക്യാപ്റ്റന്‍ മിലേ യെഡിനാഡ് രാജ്യാന്തര ഫുട്ബോളില്‍ നിന്ന് വിരമിച്ചത്. ഇന്‍സ്റ്റാഗ്രാമിലൂടെയാണ് യെഡിനാക് തന്റെ വിരമിക്കല്‍ പ്രഖ്യാപിച്ചത്.

https://www.instagram.com/p/BoYZjKIHh6d/?hl=en&taken-by=milejedinak15

2015ല്‍ ഓസ്ട്രേലിയ ഏഷ്യാ കപ്പ് ഉയര്‍ത്തിയതില്‍ യെഡിനാകിന് വലിയ പങ്കുണ്ടായിരുന്നു. 79 മത്സരങ്ങളോളം താരം ഓസ്ട്രേലിയക്കായി കളിച്ചിട്ടുണ്ട്. ഇത്രകാലം ഓസ്ട്രേലിയന്‍ ജേഴ്സി അണിയാന്‍ കഴിഞ്ഞതില്‍ സന്തോഷമുണ്ടെന്ന് യെഡിനാക് പറഞ്ഞു. ഇപ്പോള്‍ ആസ്റ്റണ്‍ വില്ലയുടെ താരമാണ് യെഡിനാക്. അതേസമയം യെഡിനാക്കിന്‍റെ വിരമിക്കല്‍ ഓസ്ട്രേലിയക്ക് വന്‍ തിരിച്ചടിയാകുമെന്നാണ് കണക്ക് കൂട്ടല്‍.