ബിഗ്ബോസ് തുടങ്ങി കുറച്ച് ദിവസങ്ങൾക്ക് ശേഷമാണ് നടനും മോഡലുമായ ഷിയാസ് കരീം ഷോയിലേക്ക് എത്തുന്നത്. മോഡലിംഗ് നിരവധി അംഗീകാരങ്ങള്‍ നേടിയിട്ടുണ്ടെങ്കിലും ബിഗ് ബോസിൽ വന്നതിന് ശേഷമാണ് ഷിയാസിനെ ആളുകൾ തിരിച്ചറിഞ്ഞ് തുടങ്ങിയത്. ഷോയിൽ ടാസ്‌കുകള്‍ വിജയിക്കാന്‍ ഷിയാസ് ആത്മാര്‍ത്ഥമായി ശ്രമിക്കാറുണ്ടെങ്കിലും പലതിലും തോല്‍വിയായിരുന്നു ഫലം. ഇതോടെ മണ്ടനെന്നും മറ്റും മത്സരാർത്ഥികൾ ഷിയാസിനെ വിളിച്ചുതുടങ്ങി. എന്നാൽ ശക്തരായ മത്സരാര്‍ത്ഥികള്‍ ഓരോരുത്തരായി പുറത്തേക്ക് പോകുമ്പോഴും ജനപിന്തുണ കാരണം ഷിയാസ് ഹൗസിൽ തന്നെ പിടിച്ചുനിന്നു.
ബിഗ് ബോസില്‍ നിന്നും പുറത്ത് വന്ന ഷിയാസ് തനിക്ക് ഇത്രയും ജനപിന്തുണ ഉണ്ടായിരുന്നു എന്ന് അറിഞ്ഞ് ഞെട്ടിയിരിക്കുകയാണ്. ഞാന്‍ മോഡലൊക്കെ ആണെങ്കിലും ആര്‍ക്കും എന്നെ കണ്ടാല്‍ മനസിലാകില്ലായിരുന്നു. പക്ഷെ ബിഗ് ബോസില്‍ നിന്നും പുറത്തിറങ്ങി സ്റ്റുഡിയോയില്‍ എത്തിയപ്പോള്‍ ആള്‍ക്കാര്‍ ഇങ്ങോട്ട് വന്നു. ഞാന്‍ ഫാനാണെന്നൊക്കെ പറഞ്ഞു, കൂടെ നിര്‍ത്തി ഫോട്ടോ എടുപ്പിച്ചു. ഗ്രാന്‍ഡ് ഫിനാലെ കാണാന്‍ വന്ന അമ്മച്ചിമാരും ചേച്ചിമാരുമൊക്കെ എന്നെ വട്ടമിട്ട് നിന്നാണ് ഫോട്ടോ എടുത്തതെന്ന് ഷിയാസ് വ്യക്തമാക്കുന്നു. ഇത്രയും പേര് വോട്ട് ചെയ്തു എന്നൊക്കെ അറിഞ്ഞപ്പോള്‍ വിശ്വസിക്കാന്‍ പറ്റുന്നില്ല. എനിക്ക് വേണ്ടി ഇത്രയേറെ ആളുകള്‍ കഷ്ടപ്പെട്ടു എല്ലാവർക്കും നന്ദി പറയുന്നതായും താരം പറയുകയുണ്ടായി.
Post Your Comments