ശബരിമല അയ്യപ്പ സ്വാമി വാട്സ് ആപ്പ് മെസേജ് അയച്ചു : കോടതി വിധി ‘അയ്യപ്പ ജെല്ലിക്കെട്ട്’ നടത്തി മറികടക്കണം- രാഹുല്‍ ഈശ്വര്‍

തിരുവനന്തപുരം•ശബരിമല സ്ത്രീ പ്രവേശനം അനുവദിച്ചുകൊണ്ടുള്ള സുപ്രീംകോടതി വിധി ‘അയ്യപ്പ ജെല്ലിക്കെട്ട്’ നടത്തി മറികടക്കണമെന്ന് ശബരിമല തന്ത്രി കുടുംബാംഗവും ആക്ടിവിസ്റ്റുമായ രാഹുല്‍ ഈശ്വര്‍. അച്ഛന്‍ അപ്പൂപ്പന്‍മാര്‍ ഉണ്ടാക്കിയ ക്ഷേത്രങ്ങളെ സംരക്ഷിക്കാനും ഹിന്ദുക്കളെ രക്ഷിക്കാനും സ്വാമി അയ്യപ്പന്‍ നേരിട്ടുവരുമെന്നും രാഹുല്‍ ഈശ്വര്‍ പറഞ്ഞു.

നമ്മളാണ് അയ്യപ്പൻ, നമ്മൾക്കാണ് ആ ദൗത്യം.. നമ്മുടെ ദൈവ നിശ്ചയമായ ലക്ഷ്യവും, ഒരു ഭാഗ്യവുമാണ് ഇത്. ഒരു ദേവതക്കും അവകാശങ്ങളോ, അധികാരങ്ങളോ ഇല്ല എന്ന തെറ്റായ കോടതി വിധി ‘അയ്യപ്പ ജെല്ലിക്കെട്ട്’ നടത്തി നമ്മൾ മറികടക്കണം. കോടതി നിയമ വഴിയും നോക്കുന്നുണ്ട്. ഇന്ന് നമ്മൾ തോറ്റാൽ, വരും തലമുറകൾ, ഭാരത മാതാവ് ക്ഷമിക്കില്ലെന്നും രാഹുല്‍ ഈശ്വര്‍ ഫേസ്ബുക്കില്‍ കുറിച്ചു.

 

രാഹുല്‍ ഈശ്വറിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം

ശബരിമല അയ്യപ്പ സ്വാമി എനിക്ക് ഇതു വാട്സ്ആപ്പ് അയച്ചു – ;-)
(1 Point, 20 Seconds)

** ശബരിമലക്ക്, ഹിന്ദു ക്ഷേത്രങ്ങൾക്ക് വേണ്ടി യുദ്ധം ചെയ്യാൻ ആരുമില്ലല്ലോ അയ്യപ്പാ ഞങ്ങൾക്ക് എന്ന് പ്രാർത്ഥിച്ചു ?
** ഭരണഘടനയുടെ Article 25, ദുർബലപ്പെടുത്താൻ, എല്ലാ ദേവാലയങ്ങളെയും അസ്ഥിരപ്പെടുത്താൻ ചില കള്ളന്മാർ നടത്തുന്ന
ഗൂഢാലോചന എതിർത്ത് പോരാടി തോൽപിക്കാൻ ആര് ഞങ്ങൾ വിശ്വാസികളെ നയിക്കും എന്ന് ചോദിച്ചു ??
** ശബരിമല സ്വാമി അയ്യപ്പൻ എനിക്ക് ഈ വാട്സ്ആപ്പ് മെസേജ് അയച്ചു ( ;-) symbolically)

(1) നമ്മൾ ഹിന്ദുക്കളെ രക്ഷിക്കാൻ, നമ്മുടെ അച്ഛൻ അപ്പൂപ്പന്മാർ ഉണ്ടാക്കിയ ക്ഷേത്രങ്ങളെ സംരക്ഷിക്കാൻ സ്വാമി അയ്യപ്പൻ നേരിട്ട് വരും.

നമ്മളാണ് അയ്യപ്പൻ, നമ്മൾക്കാണ് ആ ദൗത്യം.. നമ്മുടെ ദൈവ നിശ്ചയമായ ലക്ഷ്യവും, ഒരു ഭാഗ്യവുമാണ് ഇതു.

ഒരു ദേവതക്കും അവകാശങ്ങളോ, അധികാരങ്ങളോ ഇല്ല എന്ന തെറ്റായ കോടതി വിധി ‘അയ്യപ്പ ജെല്ലിക്കെട്ട്’ നടത്തി നമ്മൾ മറികടക്കണം. കോടതി നിയമ വഴിയും നോക്കുന്നുണ്ട്. ഇന്ന് നമ്മൾ തോറ്റാൽ, വരും തലമുറകൾ, ഭാരത മാതാവ് ക്ഷമിക്കില്ല.

https://www.facebook.com/RahulEaswarOfficial/posts/2154252757941285