രണ്ട് വാഹനാപകടങ്ങളിൽ നിന്ന് മിനിറ്റുകളുടെ വ്യത്യാസത്തിൽ രക്ഷപെടുന്ന യുവതി; വീഡിയോ

രണ്ട് വാഹനാപകടങ്ങളിൽ നിന്ന് മിനിറ്റുകളുടെ വ്യത്യാസത്തിൽ രക്ഷപെടുന്ന യുവതി ദൃശ്യങ്ങൾ വൈറലാകുന്നു. രണ്ട് അപകടത്തിൽ നിന്നും ‘തലനാരിഴയ്ക്ക്’ രക്ഷപെട്ടുവെന്ന് [പറയാം. ഈ അപകടങ്ങളുടെ ദൃശ്യം ഇപ്പോൾ സോഷ്യൽ മീഡിയയിൽ പ്രചരിക്കുകയാണ്. കഴിഞ്ഞ ദിവസം കല്ലമ്പലത്താണ് സംഭവം.

നഗരൂർ റോഡിൽ നിന്നും ദേശീയ പാതയിലേക്ക് പ്രേവേശിച്ച യുവതി ഓടിച്ച ഇരുചക്രവാഹനം പാരിപ്പള്ളി ഭാഗത്തു നിന്നും വന്ന കാറിലിടിച്ചു വീഴുകയും ഓടിക്കൂടിയ നാട്ടുകാർ ഇവരെ പിടിച്ചു ഉയർത്തിയ ശേഷം, വീണ്ടും മുന്നിലേക്ക് എടുത്ത വാഹനം ആറ്റിങ്ങൽ ഭാഗത്തു നിന്നും വന്ന കെ.എസ്.ആർ.ടി.സി യുടെ അടിയിലേക്ക് പാഞ്ഞു കയറുകയുമായിരുന്നു. എന്നാൽ ഇരു അപകടങ്ങളിലും യുവതിക്ക് സാരമായ പരിക്കില്ല.