ലണ്ടന്‍: ട്രാഫിക്കിനിടയിലൂടെ ഓടി റോഡ് മുറിച്ചു കടക്കാൻ ശ്രമിക്കുന്നതിനിടെ യുവതി അപകടത്തിൽപ്പെടുന്ന വീഡിയോ പുറത്ത്. ധൃതിയിൽ റോഡ് മുറിച്ചു കടക്കുന്നതിനിടെ ഹൈ ഹീല്‍ ചെരുപ്പ് തെന്നുകയും യുവതി കാറിനടിയിൽപ്പെടുകയുമായിരുന്നു. സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലാകുകയാണ്. മെക്‌സിക്കോയിലെ സൊനാര സംസ്ഥാനത്തെ നൊഗാലെസിലാണ് സംഭവം. 22-കാരിയായ മിനെര്‍വയ്ക്ക് എന്ന യുവതിയാണ് അപകടത്തിൽപ്പെട്ടത്.
ALSO READ: കാല്‍നടയാത്രക്കാര്‍ക്ക് റോഡ് മുറിച്ച്‌ കടക്കാന്‍ പുതിയ സംവിധാനവുമായി ദുബായ്
ഫോണില്‍ സംസാരിച്ചുകൊണ്ടാണ് ഇവർ റോഡ് കടക്കാൻ ശ്രമിച്ചത്. മൂന്നുവരി റോഡില്‍ ആദ്യരണ്ടുവരിയും മറികടന്നശേഷമാണ് അപകടം ഉണ്ടായത്. യുവതിയെയും വലിച്ചുകൊണ്ട് വാഹനം മുന്നോട്ടുനീങ്ങുന്നത് ദൃശ്യത്തില്‍ കാണാം. കാര്‍ ബ്രേക്കിട്ട് നിര്‍ത്തിയ ഡ്രൈവര്‍ വാഹനം പിന്നോട്ടെടുക്കുകയും ഓടിക്കൂടിയ വഴിയാത്രക്കാര്‍ ഇവരെ കാറിനടിയില്‍നിന്ന് വലിച്ചെടുക്കുകയും ചെയ്തു. ഗുരുതരമായി പരിക്കേറ്റ യുവതിയെ ശസ്ത്രക്രിയക്ക് വിധേയയാക്കി.
Post Your Comments