ശക്തമായ മഴയിൽ വീട് തകർന്നു

വെള്ളറട: ശക്തമായ മഴയിൽ മണ്ണിടിഞ്ഞുവീണ് വീടിന്റെ പുറകുവശം തകർന്നു. വീട്ടുകാർ പുറത്തേക്ക് ഓടിമാറിയതിനാൽ വൻ അപകടം ഒഴിവായി . വെള്ളറട ഗ്രാമപ്പഞ്ചായത്തിലെ ആനപ്പാറ റോഡരികത്ത് വീട്ടിൽ ബിനുവിന്റെ വീട്ടിലേക്കാണ് മണ്ണിടിഞ്ഞു വീണത് .

ശനിയാഴ്ച വൈകീട്ട് പെയ്ത മഴയത്താണ് സംഭവം നടന്നത്. വീടിന്റെ പുറകുവശത്ത് മൺതിട്ട ഇടിഞ്ഞ് വീട്ടിലേക്കു പതിക്കുകയായിരുന്നു. മണ്ണിടിച്ചിലിൽ പുറകുവശത്തെ ഭിത്തിയും വാതിലും ജനാലയും പൂർണമായും തകർന്നു. മണ്ണിടിഞ്ഞ് മാറിയതുമൂലം ഇതിനു സമീപത്തുള്ള ചെറിയ പാറയും ഇളകി അപകടാവസ്ഥയിലായിരിക്കുകയാണെന്ന് വീട്ടുകാർ പറഞ്ഞു.