തിരുവനന്തപുരം: വർധിച്ച് വരുന്ന പൂവാലന്മാരെ കുടുക്കാൻ നടത്തിയ ഒാപ്പറേഷനിൽ കുരുങ്ങിയത് 89 പൂവാലൻമാർ. നഗരത്തിലെ സ്‌കൂള്‍, കോളജ്, പരിസരങ്ങളില്‍ പെണ്‍കുട്ടികളെ ശല്യം ചെയ്തവരാണു പിടിയിലായത്. തിരക്കുള്ള സമയങ്ങളില്‍ വിദ്യാലയങ്ങളുടെ സമീപത്തും ബസ് സ്‌റ്റോപ്പുകളിലും പൂവാലശല്യം രൂക്ഷമാണെന്നുള്ള വിവിധ പരാതികളുടെ അടിസ്ഥാനത്തില്‍ സിറ്റി പൊലീസ് കമ്മിഷ്ണറുടെ നിര്‍ദേശ പ്രകാരമാണു നടപടി. ഇവര്‍ക്കെതിരെ കേസ് റജിസ്റ്റര്‍ ചെയ്തു.
മ്യൂസിയം പോലീസ് സ്റ്റേഷൻ പരിധിയിൽ നിന്നാണ് ഏറെപേരും പിടിയിലായിരിക്കുന്നത് , ഇവിടെ നിന്ന് രണ്ടു ദിവസങ്ങളിലായി 10 പേര്‍ അറസ്റ്റിലായി. മെഡിക്കല്‍ കോളജ്, നേമം സ്‌റ്റേഷന്‍ പരിധിയില്‍ നിന്നും 8 പേര്‍ വീതം പിടിയിലായി. വിഴിഞ്ഞം പൊലീസ് സ്‌റ്റേഷന്‍ പരിധിയില്‍ നിന്നും 7 പൂവാലന്മാരെ അറസ്റ്റു ചെയ്തു. ശ്രീകാര്യം പൊലീസ് 6 പേരെ പിടികൂടിയതായും സിറ്റി പൊലീസ് കമ്മീഷണര്‍ പി പ്രകാശ് അറിയിച്ചു.
Post Your Comments