കൊച്ചി: കൈക്കൂലി വാങ്ങുന്നതിനിടെ കൃഷി ഫീല്‍ഡ് ഓഫീസര്‍ പിടിയില്‍. കൃഷി ഫീല്‍ഡ് ഓഫീസര്‍ എന്‍ജി ജോസഫിനെയാണ് കൂലിതൊഴിലാളിയുടെ വേഷത്തിലെത്തിയ വിജിലന്‍സ് അതീവ തന്ത്രപരമായി പിടികൂടിയത്. വായ്പയ്ക്കായി ബാങ്കില്‍ ഹാജരാക്കാന്‍ സ്ഥലപരിശോധനാ റിപ്പോര്‍ട്ടിന് അപേക്ഷിച്ച മൂവാറ്റുപുഴ സ്വദേശിയോട് ഒരു ലക്ഷം രൂപ കൈക്കൂലി ആവശ്യപ്പെടുകയും അരലക്ഷം രൂപ ഇന്നലെ കളക്ടേറ്റേില്‍ എത്തിക്കാന്‍ ആവശ്യപ്പെടുകയും ചെയ്തിരുന്നു.
പണം നല്‍കാതെ കാര്യം നടക്കില്ലെന്ന് ബോധ്യപ്പെട്ടപ്പോഴാണ് അപേക്ഷകന്‍ വിജിലന്‍സിനെ സമീപിച്ചത്. വിജിലന്‍സ് കൈമാറിയ പതിനായിരം രൂപയാണ് അപേക്ഷകന്‍ ഫീല്‍ഡ് ഓഫീസര്‍ക്ക് നല്‍കിയത്. തുടര്‍ന്ന് ക്യാന്റീന് സമീപത്തുവെച്ച് കൈക്കൂലി വാങ്ങുന്നതിനിടെ വിജിലന്‍സ് സംഘം പിടികൂടുകയായിരുന്നു.
Post Your Comments