ദുബായ്: പോലീസ് സ്റ്റേഷൻ വരെ യുവാവിനെ വലിച്ചിഴയ്ച്ച് കൊണ്ടുവന്ന യുവതിക്കും സുഹൃത്തുക്കൾക്കും കിട്ടിയത് എട്ടിന്റെ പണി. പണമിടപാടുമായി ബന്ധപ്പെട്ട തർക്കത്തിനൊടുവിലാണ് യുവതിയും സുഹൃത്തുക്കളും ചേർന്ന് യുവാവിനെ പിടികൂടി മർദിക്കുകയും ശേഷം വലിച്ചിഴയ്ച്ച് പോലീസ് സ്റ്റേഷനിൽ എത്തിക്കുകയും ചെയ്തത്. എന്നാൽ നിയമം കൈയ്യിലെടുത്ത യുവതിയെയും രണ്ട് സുഹൃത്തുക്കളെയും പോലീസ് അറസ്റ്റ് ചെയ്തു.
ഫ്ലാറ്റ് വക്കടകയ്ക്ക് കൊടുത്തതുമായി ബന്ധപ്പെട്ട് യുവതിയും അക്രമത്തിനിരയായ യുവാവുമായി പണമിടപാട് ഉണ്ടായിരുന്നു. ഇത് സംസാരിക്കാനായാണ് യുവതി യുവാവിനെ വിളിച്ചുവരുത്തിയത്. എന്നാൽ സുഹൃത്തുക്കളുയമായി എത്തിയ യുവതി യുവാവുമായി വാക്കുതർക്കം ഉണ്ടാകുകയും ശേഷം യുവാവിനെ മർദിച്ച് അവശനാക്കി പോലീസ് സ്റ്റേഷൻ വരെ വലിച്ചിഴയ്ച്ച് കൊണ്ടുപോകുകയുമായിരുന്നു. സംഭവത്തിൽ യുവതിക്കും സുഹൃത്തുക്കൾക്കുമെതിരെ ദുബായ് പോലീസ് കേസെടുത്തു.
Post Your Comments