കോട്ടയം: ബിഷപ്പ് ഫ്രാങ്കോ മുളയ്ക്കലിനെതിരെ പീഡന പരാതി ഉന്നയിച്ച കന്യാസ്ത്രീ പിസി ജോര്‍ജിനെതിരെ പോലീസില്‍ പരാതി നല്‍കി. കേസുമായി ബന്ധപ്പെട്ട് പത്ര സമ്മേളനത്തില്‍ സംസാരിക്കവേ വേശ്യാ എന്ന് വിളിച്ച്‌ അധിക്ഷേപിച്ചതിനാണ് കോട്ടയം ജില്ലാ പൊലീസ് മേധാവി ഹരി ശങ്കറിന് കന്യാസ്ത്രീ പരാതി നൽകിയത്.
നിരവധി പേരാണ് പിസി ജോര്‍ജ്ജിന്റെ ഈ പ്രസംഗത്തിനെതിരെ രംഗത്ത് വന്നത്. വാ മൂടടാ പിസി എന്ന പേരില്‍ സോഷ്യല്‍ മീഡിയയില്‍ ഒരു ക്യാംപെയിനും സോഷ്യൽ മീഡിയയിൽ ഇതിനെതിരെ തുടങ്ങിയിരുന്നു. അതേസമയം കന്യാസ്ത്രീയെ അധിക്ഷേപിച്ച്‌ സംസാരിച്ചതില്‍ ദേശീയ വനിതാ കമ്മിഷന്‍ അധ്യക്ഷ രേഖാ ശര്‍മ സ്വമേധയാ കേസെടുക്കുകയും കമ്മീഷനു മുന്‍‌പില്‍ നേരിട്ടെത്തി വിശദീകരണം നല്‍കാന്‍ നോട്ടീസ് അയക്കുകയും ചെയ്തിരുന്നു.
Post Your Comments