ടെക്‌സസ്: മുപ്പത് മണിക്കൂര്‍ ശവപ്പെട്ടിക്കുള്ളില്‍ കിടക്കുന്നവർക്ക് ഇരുപതിനായിരത്തിലേറെ രൂപ സമ്മാനവുമായി തീം പാര്‍ക്ക്. ടെക്‌സസിലെ ഒരു തീം പാര്‍ക്കാണ് വ്യത്യസ്‌തമായ ചലഞ്ചുമായി രംഗത്തെത്തിയിരിക്കുന്നത്. രണ്ടടി വീതിയും ഏഴടി നീളവുമുള്ള ശവപ്പെട്ടിയാണ് ഇതിനായി തയ്യാറാക്കിയിരിക്കുന്നത്. ഒക്ടോബര്‍ 12 ന് ഉച്ചക്ക് ഒരു മണിക്ക് ആരംഭിക്കുന്ന മത്സരം 13 ന് രാത്രി ഏഴു മണിക്ക് അവസാനിക്കും. 18 വയസു കഴിഞ്ഞവര്‍ക്ക് മത്സരത്തില്‍ പങ്കെടുക്കാവുന്നതാണ്.ഓരോ മണിക്കൂര്‍ കൂടുമ്ബോഴും ആറു മിനിറ്റ് ഇടവേളയുണ്ട്. ബാത്‌റൂം ബ്രേക്ക് ആണിത്.
മത്സരാര്‍ത്ഥികള്‍ക്ക് പാര്‍ക്കിനുള്ളിലേക്ക് ഒരു സുഹൃത്തിനെയും കൊണ്ടുവരാം. എന്നാല്‍ മത്സരസമയത്ത് മറ്റാരും ശവപ്പെട്ടിയുടെ പരിസരത്ത് ഉണ്ടാകാന്‍ പാടില്ല. 300 ഡോളറും 2019 ഗോള്‍ഡ് സീസണിലേക്കുള്ള രണ്ട് പാസുകളും ഫ്രീക്ക് ട്രെയിലേക്കും ഗോസ്റ്റ് ഹൗസിലേക്കുമുള്ള സൗജന്യ ടിക്കറ്റുകളുമാണ് വിജയിക്ക് സമ്മാനമായി ലഭിക്കുക.
Post Your Comments