ചുവപ്പ് കാര്‍ഡ് വിനയായ മത്സരത്തില്‍ സ്വന്തം ഗ്രൗണ്ടില്‍ സമനില സ്വന്തമാക്കി ബാഴ്‌സലോണ. ഇന്നത്തെ സമനിലയോടെ റയല്‍ മാഡ്രിഡിനും ബാഴ്‌സലോണക്കും ഒരേ പോയന്റായി. ഒരു ഗോളിന് മുന്നിട്ട് നില്‍ക്കുമ്പോള്‍ 35ആം മിനുട്ടിലാണ് ചുവപ്പ് കാര്‍ഡ് കാരണം ബാഴ്‌സലോണ 10 പേരായി ചുരുങ്ങിയത്.
ജിറോണയാണ് ബാഴ്‌സലോണയുടെ വിജയ പരമ്പരയ്ക്ക് അവസാനമിട്ടത്. കൗട്ടീനോയെയും റാകിറ്റിചിനെയും സബായി എത്തിച്ച ബാഴ്‌സലോണ 63ആം മിനുട്ടില്‍ സമനില കണ്ടു. പികെ ആയിരുന്നു സമനില ഗോള്‍ നേടിയത്. 2-2 എന്ന നിലയിലാണ് മത്സരം അവസാനിച്ചത്.
ലെംഗ്ലറ്റ് ആണ് എതിര്‍ താരത്തെ എല്‍ബോ വെച്ചതിന് ചുവപ്പ് കണ്ടത്. തുടക്കത്തില്‍ മെസ്സിയിലൂടെ ആയിരുന്നു ബാഴ്‌സലോണ ലീഡ് എടുത്തത്. 19ആം മിനുട്ടില്‍ വിദാലാണ് മെസ്സിയുടെ ഗോളിന് അവസരം ഒരുക്കിയത്. എന്നാല്‍ ഹാഫ് ടൈമിന് മുമ്പും ശേഷവും ഒരോ ഗോളുകള്‍ വീതം അടിച്ച് ഉറുഗ്വേ സ്‌ട്രൈക്കര്‍ ബാഴ്‌സലോണയെ അമ്പരപ്പിക്കുകയായിരുന്നു.
Post Your Comments