കൊച്ചി : ഇന്റർനാഷണൽ ബോട്ട് ഷോയും ഹോട്ടൽ ടെക് പ്രദർശനവും 26 മുതൽ 28 വരെ. 26-ന് രാവിലെ 10.30-ന് ബോൾഗാട്ടി പാലസിൽ ദക്ഷിണമേഖല നാവികസേനാ മേധാവി വൈസ് അഡ്മിറൽ എ.കെ. ചാവ്‌ലയും പ്രൊഫ. കെ.വി. തോമസ് എം.പി.യും ചേർന്ന് ബോട്ട് ഷോ ഉദ്ഘാടനം ചെയ്യും.
പ്രമുഖ ബോട്ട് ബ്രാൻഡുകൾ പ്രദർശനത്തിൽ പങ്കെടുക്കും. ക്രൂസ് എക്സ്‌പോസ് എന്ന കമ്പനിയാണ് ബോട്ട് ഷോ സംഘടിപ്പിക്കുന്നത്. കെ.എസ്.ഐ.എൻ.സി.യുമായി സഹകരിച്ചാണ് ബോട്ട് ഷോ സംഘടിപ്പിക്കുന്നത്. ക്രൂസ് എക്സ്പോസിന്റെ നേതൃത്വത്തിൽ സൗത്ത് ഇന്ത്യ ഷെഫ്‌സ് അസോസിയേഷന്റെ സഹകരണത്തോടെ ഈ ദിവസങ്ങളിൽ എട്ടാമത് ഹോട്ടൽ ടെക് കേരള പ്രദർശനം ബോൾഗാട്ടി പാലസിൽ നടക്കും.
ഹോട്ടലുകൾക്കും ബേക്കറികൾക്കും മറ്റും ആവശ്യമായ വിവിധങ്ങളായ ഉപകരണങ്ങൾ പ്രദർശനത്തിലുണ്ടാവും. പ്രദർശനത്തിന്റെ ഭാഗമായി വിവിധ തരത്തിലുള്ള പാചക മത്സരങ്ങളും സംഘടിപ്പിക്കുന്നുണ്ട്
Post Your Comments