ഇന്ത്യക്ക് വേണ്ടി ചരിത്രത്തില്‍ ആദ്യമായി ലോകകപ്പ് ഗോള്‍ നേടിയ താരം കേരള ബ്ലാസ്റ്റേഴ്‌സില്‍. അണ്ടര്‍ 17 ലോകകപ്പില്‍ ഇന്ത്യക്ക് വേണ്ടി കളിച്ച ജെക്‌സണ്‍ സിംഗിനെ സ്വന്തമാക്കി കേരള ബ്ലാസ്റ്റേഴ്സ് ആരാധകരെ അമ്പരപ്പിക്കുകയാണ്. ഇന്ത്യയുടെ ലോകകപ്പ് ഫുട്ബോള് ചരിത്രത്തില്‍ ആദ്യമായി ഗോള്‍ നേടിയ താരമാണ് ജെക്‌സണ്‍. താരത്തെ കേരള ബ്ലാസ്റ്റേഴ്സ് സ്വാന്തമാക്കിയെന്ന് ഗോള്‍.കോം ആണ് റിപ്പോര്‍ട്ട് ചെയ്തത്.
ജെക്‌സണ്‍ ഇപ്പോള്‍ ഇന്ത്യന്‍ അണ്ടര്‍ 19 ടീമിന്റെ കൂടെ സെര്‍ബിയയിലാണ്. മിനര്‍വ താരമായിരുന്ന ജീക്‌സണ്‍ ലോണ്‍ അടിസ്ഥാനത്തില്‍ ഇന്ത്യന്‍ ആരോസില്‍ ആയിരുന്നു കളിച്ചിരുന്നത്. അതെ സമയം കേരള ബ്ലാസ്റ്റേഴ്‌സും താരത്തെ ഈ സീസണില്‍ ലോണ്‍ അടിസ്ഥാനത്തില്‍ ഇന്ത്യന്‍ ആരോസിലേക്ക് തന്നെ അയക്കും. ഡിഫെന്‍സിവ് മിഡ്ഫീല്‍ഡര്‍ സ്ഥാനത്തതാണ് ജെക്‌സണ്‍ കളിക്കുന്നത്.
Post Your Comments