ദുബായ്: ഹൃദയബന്ധമാണ് കേരള ജനതയെ ഈ ആപല്‍ഘട്ടത്തില്‍ സഹായിക്കുന്നതിന് യുഎഇ ഭരണകൂടത്തെ പ്രേരിപ്പിക്കുന്നതെന്നും ഹൃദയം കൊണ്ട് വിളക്കിച്ചേര്‍ത്ത ബന്ധമാണ് യു.എ.ഇയും ഇന്ത്യയും വിശിഷ്യാ കേരളവുമായി ഇവിടുത്തെ ജനങ്ങള്‍ക്കുള്ളതെന്നും തുറന്ന് പറഞ്ഞ് യു.എ.ഇ.റെഡ്ക്രസന്റ് ഡയരക്ടര്‍ മുഹമ്മദ് അബ്ദുല്ല അല്‍ സര്‍ഊനി.
കേരളത്തെ സഹായിക്കാനുള്ള റെഡ്ക്രസന്റിന്റെ പ്രവര്‍ത്തനങ്ങളില്‍ വിവിധ രാജ്യക്കാരടക്കം പ്രമുഖ സ്ഥാപനങ്ങളും വ്യക്തികളും ഭാഗമാക്കായിട്ടുണ്ടെന്നും ദുബായ് ഭരണകൂടം എക്കാലത്തും ഇന്ത്യയോട് അങ്ങേയറ്റം സേനഹവാത്സല്യം കാണിച്ചവരാണെന്നും അദ്ദേഹം വിശദീകരിച്ചു.
എമിറേറ്റ് റെഡ്ക്രസന്റ് സൊസൈറ്റി ലോകത്തിന്റെ വിവിധ ഭാഗങ്ങളില്‍ ദുരന്തമുണ്ടാകുമ്പോള്‍ യു.എ.ഇയുടെ യശസ് ഉയര്‍ത്തും വിധം സ്‌നേഹപ്രവര്‍ത്തനം നടത്തിയ പാരമ്പര്യമുള്ള പ്രസ്ഥാനമാണെന്നും ദുരന്തങ്ങുക്ക് മുമ്പ് അതില്ലാതാക്കാനുള്ള ഇടപെടല്‍ നടത്തിയും തക്ക സമയത്ത് ആശ്വാസ പ്രവര്‍ത്തനം നടത്തിയും ദുരന്ത ശേഷം പുനര്‍നിര്‍മ്മാണ പുനരധിവാസ പ്രവത്തനങ്ങള്‍ക്ക് നേതൃത്യം കൊടുത്തുമാണ് റെഡ്ക്രസന്റ് അതിന്റെ ത്രിതല പ്രവര്‍ത്തനങ്ങള്‍ മുന്നോട്ട് കൊണ്ട് പോകുന്നത്.
Post Your Comments