കൊച്ചി: കന്യാസ്ത്രീയെ പീഡിപ്പിച്ച കേസില്‍ അറസ്റ്റിലായ മുന്‍ ജലന്ധര്‍ ബിഷപ്പ് ഫ്രാങ്കോ മുളക്കൽ കഴിഞ്ഞ ദിവസം ചോദ്യം ചെയ്യലിന് എത്തിയത് അറസ്റ്റ് ഉറപ്പിച്ച് തന്നെയായിരുന്നു. 10.30ന് ചോദ്യം ചെയ്യൽ മുറിയിൽ എത്തിയപ്പോൾ തന്നെ ”നമ്മള്‍ എപ്പോഴാ പോകുക” എന്നാണ് ഫ്രാങ്കോ അന്വേഷണ ഉദ്യോഗസ്ഥരോട് ചോദിച്ചത്. കൂടാതെ ബന്ധുക്കളോടും ജലന്ധറിലെ അഭിഭാഷകരോടും ഇക്കാര്യത്തെക്കുറിച്ച് സൂചന നൽകുകയും ചെയ്‌തിരുന്നു. ചോദ്യം ചെയ്യലിനിടെ അദ്ദേഹം പുരോഹിത വസ്ത്രങ്ങള്‍ മാറ്റി ജുബ്ബയും പാന്റ്‌സും ധരിച്ചു. മാലയും മോതിരവും ഊരിമാറ്റുകയുമുണ്ടായി.
രാത്രി എട്ടുമണിയോടെയാണ് ഫ്രാങ്കോ മുളക്കലിന്റെ അറസ്റ്റ് പോലീസ് സ്ഥിരീകരിച്ചത്. കുറ്റം നടത്തിയതിന് തെളിവുണ്ടെന്നും പീഡനക്കുറ്റം ചുമത്തുമെന്നും അന്വേഷണസംഘം വ്യക്തമാക്കി. അതേസമയം വൈദ്യപരിശോധനയ്ക്കായി തൃപ്പൂണിത്തുറയിലേക്ക് കൊണ്ടുപോയപ്പോള്‍ രക്തസമ്മര്‍ദം വര്‍ധിച്ചതിനെ തുടര്‍ന്ന് അദ്ദേഹത്തെ കോട്ടയം മെഡിക്കല്‍ കോളജിലേക്ക് മാറ്റിയിരുന്നു.
Post Your Comments