വാഷിങ്ടണ്‍: ചന്ദ്രനും ചുറ്റും പറക്കാനൊരുങ്ങി ജപ്പാന്‍ കോടീശ്വരന്‍. യുസാകു മയേസാവയാണ് ഈ യാത്രികന്‍. അമേരിക്കയിലെ സ്വകാര്യ ബഹിരാകാശ ഏജന്‍സിയായ സ്പേസ് എക്സിന്റെ റോക്കറ്റിലാണ് യുസാകുവിന്റെ യാത്ര. സ്പേസ് എക്‌സാണ് ഇതിനെ സംബന്ധിക്കുന്ന വിവരം ട്വിറ്ററിലൂടെ പങ്കുവച്ചത്. ചന്ദ്രന്‍ യാത്രയ്‌ക്കൊരുങ്ങുന്ന ആദ്യത്തെ സ്വകാര്യ വ്യക്തിയെന്ന പദവിയാണ് ഇതോടെ കോടീശ്വരനായ യുസാകു സ്വന്തമാക്കിയിരിക്കുന്നത്.
The first private passenger to fly around the Moon aboard BFR is fashion innovator and globally recognized art curator Yusaku Maezawa.
— SpaceX (@SpaceX) September 18, 2018
ഫോബ്‌സ് മാക്‌സികയുടെ സര്‍വേ പ്രകാരം ജപ്പാനിലെ കോടീശ്വരന്‍മാരുടെ പട്ടികയില്‍ പതിനെട്ടാമനാണ് യുസാകു. ഓണ്‍ലൈന്‍ ഫാഷന്‍ വ്യാപാരത്തിലെ ആര്‍ട്ട് കളക്ടറാണ് നാല്‍പ്പത്തിരണ്ടുകാരനായ യുസാകു. ബിദ് ഫാല്‍ക്കന്‍ റോക്കറ്റിലാണ് യുസാകയുടെ യാത്ര. ഇതേസമയം യാത്രയുടെ ചെലവും തീയതിയും ഇതുവരെ പുറത്തു വിട്ടിട്ടില്ല. ബിഗ് ഫാല്‍ക്കന്‍ റോക്കറ്റിന്റെ പരീക്ഷണപ്പറക്കല്‍ അടുത്ത വര്‍ഷം നടത്തുമെന്ന് സ്പേസ് എക്സിന്റെ ചീഫ് ഓപ്പറേറ്റിങ് ഓഫീസര്‍ ഗ്വിന്‍ ഷോട്വെല്‍ പറഞ്ഞു.
Post Your Comments