അഹമ്മദാബാദ്: അടുത്ത വർഷം നടക്കുന്ന ലോക്സഭാ തെരഞ്ഞെടുപ്പില്‍ മുതിര്‍ന്ന ബിജെപി നേതാവ് എല്‍.കെ അഡ്വാനി മത്സരിക്കും. ഗുജറാത്തിലെ ഗാന്ധിനഗറില്‍നിന്നാവും അഡ്വാനി മത്സരിക്കുകയെന്ന് ഗുജറാത്ത് മുന്‍ മുഖ്യമന്ത്രി ശങ്കര്‍ സിംഗ് വഗേല അറിയിച്ചു. അഡ്വാനിയുമായി കൂടിക്കാഴ്ചയ്ക്കു ശേഷമാണ് വഗേല ഇക്കാര്യം പറഞ്ഞത്. എന്നാല്‍ താന്‍ മത്സരിക്കുന്ന കാര്യം തീരുമാനിച്ചില്ലെന്നും അദ്ദേഹം പറഞ്ഞു.
ലോക്സഭാ തെരഞ്ഞെടുപ്പിനു മുൻപായി വരുന്ന ഏതാനും മാസം ബിജെപി വിരുദ്ധരെ ഒന്നിപ്പിക്കാനുള്ള ശ്രമത്തിലായിരിക്കും താനെന്നും വഗേല പറഞ്ഞു. എന്‍സിപിയിലോ മറ്റേതെങ്കിലും പാര്‍ട്ടിയിലോ ചേരാനുള്ള തീരുമാനം ഇപ്പോഴില്ല. തെരഞ്ഞെടുപ്പില്‍ മത്സരിക്കുന്നത് സമയം വരുമ്ബോള്‍ ആലോചിക്കും. എന്നാല്‍ ബിജെപി വിരുദ്ധരെ അണിനിരത്താന്‍ ശ്രമിക്കുക എന്നതാണ് നിലവിലെ തീരുമാനമെന്നും അദ്ദേഹം പറഞ്ഞു.
Post Your Comments