ബസുകളുടെ സ്റ്റോപ്പുകള്‍ വെട്ടിക്കുറച്ച് തച്ചങ്കരിയുടെ പുതിയ ഉത്തരവ്

തിരുവനന്തപുരം: ബസുകളുടെ സ്‌റ്റോപ്പുകള്‍ വെട്ടിക്കുറച്ച് തച്ചങ്കരിയുടെ പുതിയ ഉത്തരവ് . കെഎസ്ആര്‍ടിസി ചില്ല് ബസുകളുടെ സ്റ്റോപ്പുകളാണ് വെട്ടിക്കുറച്ചുകൊണ്ട് സിഎംഡി ടോമിന്‍ തച്ചങ്കരിയുടെ പുതിയ ഉത്തരവ് ഇറക്കിയത്. സ്റ്റോപ്പുകള്‍ കുറച്ച് കൂടുതല്‍ കളക്ഷന്‍ ഉണ്ടാക്കുകയാണ് ലക്ഷ്യം . . എറണാകുളം- തിരുവനന്തപുരം സര്‍വീസ് ആറ് ദിവസം കൊണ്ട് 24 ലക്ഷം രൂപയാണ് നേടിയത്. അതായത് ഏകദേശം നാലു ലക്ഷം രൂപ പ്രതിദിന കലക്ഷന്‍ ലഭിച്ചിരുന്നു. ഓഗസ്റ്റ് ഒന്നു മുതലാണ് മറ്റ് റൂട്ടുകളില്‍ ചില്‍ ബസ് സര്‍വീസുകള്‍ ആരംഭിച്ച് തുടങ്ങിയത്.

ആലപ്പുഴ വഴിയുള്ള തിരുവനന്തപുരം- എറണാകുളം ചില്‍ ബസില്‍ രാവിലെയുള്ള ചില ഷെഡ്യൂളുകളില്‍ 35,000 രൂപ വരെയാണ് ആദ്യം കലക്ഷന്‍ ലഭിച്ചിരുന്നത്. 24,000 രൂപയായിരുന്നു ഈ റൂട്ടിലെ ശരാശരി കലക്ഷന്‍. തിരക്കേറിയ സമയങ്ങളില്‍ തിരുവനന്തപുരം എറണാകുളം സെക്ടറില്‍ അരമണിക്കൂര്‍ ഇടവിട്ടുള്ള സര്‍വീസും പരിഗണനയിലുണ്ടെന്നു സിഎംഡി പറഞ്ഞു. പകല്‍ ഓരോ മണിക്കൂര്‍ ഇടവിട്ടും രാത്രി 10 മുതല്‍ പുലര്‍ച്ചെ അഞ്ചു വരെ രണ്ടു മണിക്കൂര്‍ ഇടവിട്ടുമാണു സര്‍വീസ്.