സച്ചിൻ തെണ്ടുൽക്കറിന് നന്ദി അറിയിച്ച് ജിങ്കൻ

ആദ്യ നാലു സീസണുകളിലും കേരളബ്ലാസ്റ്റേഴ്‌സിന് ഒപ്പമുണ്ടായിരുന്ന സച്ചിൻ തെണ്ടുൽക്കറിന് നന്ദി അറിയിച്ച് ക്യാപ്റ്റന്‍ സന്ദേശ് ജിങ്കന്‍. തന്റെ കൈവശം ഉണ്ടായിരുന്ന കേരള ബ്ലാസ്റ്റേഴ്സിന്റെ 20% ഓഹരികളും വിറ്റശേഷം ക്ലബിനോട് വിടപറയുന്നതായി സച്ചിൻ അറിയിച്ചിരുന്നു. ഇത്രകാലവും ടീമിന് ഉപദേശം നല്‍കിയും ടീമിന്റെ പ്രചോദനമായും ഒപ്പം ഉണ്ടായിരുന്ന സച്ചിന് നന്ദി പറയുന്നുവെന്നും ആദ്യ ഐ എസ് എല്‍ സീസണ്‍ ഫൈനലില്‍ കേരള ബ്ലാസ്റ്റേഴ്സ് പരാജയപ്പെട്ടതിന് ശേഷം ടീമിനോട് സച്ചിന്‍ പറഞ്ഞ വാക്കുകള്‍ ഒരിക്കലും മറക്കില്ലെന്നും ജിങ്കൻ പറയുകയുണ്ടായി. അന്നത്തെ സച്ചിന്റെ വാക്കുകള്‍ ടീമിനെ മൊത്തമായി പിടിച്ചുനിര്‍ത്തി എന്നും താരം കൂട്ടിച്ചേർത്തു.