യാത്ര ചെയ്യാൻ ഒാട്ടോയും, സിഗരറ്റും ആവശ്യപ്പെട്ട് പ്രതി പോലീസുകാരെ ആക്രമിച്ചു

കണ്ണൂർ•കോടതിയിലേക്ക് കൊണ്ടു പോകവേ പ്രതിയുടെ അക്രമണത്തിൽ നിസാര പരിക്ക്. കണ്ണൂർ സെൻട്രൽ ജയിലിലെ ശിക്ഷാതടവുകാരനായ എറണാകുളത്തെ അത്തായി അനീഷ് (32) ആണ് പോലീസുകാർക്ക് നേരെ പരാക്രമം നടത്തിയത്.

എറണാകുളം കോടതിയിൽ ഹാജരാക്കാൻ സെൻട്രൽ ജയിലിൽനിന്ന് ജയിൽ വാഹനത്തിൽ റെയിൽവേ സ്റ്റേഷനിലേക്ക് കൊണ്ടുപോകുന്നതിനിടെയാണ് അത്തായി അനീഷ് ആക്രമണം നടത്തിയത്.

ജയിൽ വാഹനത്തിൽ യാത്ര പറ്റില്ലെന്നും മറിച്ച് ഒാട്ടോയിൽ കൊണ്ടുപോകണമെന്നും, കൂടാത സിഗരറ്റ് കൂടി വാങ്ങി നൽകണമെന്നുമായിരുന്നു പ്രതിയുടെ ആവശ്യങ്ങൾ. സംഭവം നടക്കുമ്പോൾ അഞ്ച് പോലീസുകാരായിരുന്നു ഉണ്ടായിരുന്നത്.