കോട്ടയം: കന്യാസ്ത്രീ നല്‍കിയ ലൈംഗിക പീഡന പരാതിയില്‍ ബിഷപ്പ് ഫ്രാങ്കോ മുളയ്ക്കലിന്റെ മൊഴി രേഖപ്പെടുത്താനുള്ള തയ്യാറെടുപ്പിൽ കേരള പോലീസ്. ഫ്രാങ്കോയെ ചോദ്യം ചെയ്യാനുള്ള ചോദ്യങ്ങൾ തയ്യാറാക്കാനുള്ള നടപടികൾ പുരോഗമിക്കുകയാണ്. എറണാകുളം റേഞ്ച് ഐജിയുടെ നേതൃത്വത്തിലാണ് ചോദ്യങ്ങൾ തയ്യാറാക്കുന്നത്. ഈ മാസം 19ന് ചോദ്യം ചെയ്യലിന് ഹാജരാകാനാണ് പൊലീസ് ഫ്രാങ്കോയ്ക്ക് നോട്ടീസ് നല്‍കിയിട്ടുള്ളത്.
ചോദ്യം ചെയ്യലിന് ഹാജരാകുന്നതിന് മുന്നോടിയായി ഫ്രാങ്കോ കഴിഞ്ഞ ദിവസം ജലന്ധര്‍ രൂപതയുടെ ചുമതല ഒഴിഞ്ഞിരുന്നു. വികാരി ജനറല്‍ മോണ്‍ ഫാദര്‍ മാത്യു കോക്കണ്ടത്തിന്റെ നേതൃത്വത്തിലുള്ള മൂന്നംഗ സമിതിക്കാണ് രൂപയുടെ ഭരണ ചുമതല കൈമാറിയിട്ടുള്ളത്.
Post Your Comments