കൊച്ചി: മാള്‍ കാണാനിറങ്ങിയ വിദ്യാര്‍ത്ഥികള്‍ ചെന്നുപ്പെട്ടത് പൊലീസിന്റെ കൈയില്‍. ആലപ്പുഴ കപ്പക്കടയിലെ സ്വകാര്യ സ്‌കൂളിലെ പത്താം ക്ലാസ് വിദ്യാര്‍ഥികളായ നാലു പേരെയാണ് ആലപ്പുഴ-എറണാകുളം പാസഞ്ചറില്‍നിന്നു കണ്ടെത്തിയത്.
ഇടപ്പള്ളിയിലെ മാള്‍ സന്ദര്‍ശിക്കുന്നതിനായാണ് നാല്‍വര്‍ സംഘം പുറപ്പെട്ടത്.
ശനിയാഴ്ച സ്‌കൂള്‍ വിട്ടശേഷമാണ് ഇവര്‍ എറണാകുളത്തേക്കു യാത്ര തിരിച്ചത്. പതിവായി എത്താറുള്ള സമയമായിട്ടും കുട്ടികള്‍ വീട്ടില്‍ എത്താത്തതിനെത്തുടര്‍ന്ന് രക്ഷിതാക്കള്‍ പുന്നപ്ര പോലീസ് സ്റ്റേഷനില്‍ പരാതി നല്‍കി. ആലപ്പുഴ സിറ്റി കണ്‍ട്രോള്‍ റൂമില്‍നിന്നു വിവരം ലഭിച്ചതിനെത്തുടര്‍ന്ന് റെയില്‍വേ പോലീസ് നടത്തിയ അന്വേഷണത്തിലാണ് ചേര്‍ത്തല ഭാഗത്തുവച്ച് ഇവരെ കണ്ടെത്തിയത്.
മാള്‍ സന്ദര്‍ശിക്കുന്നതിനായി വീടു വിട്ടതെന്നാണ് റെയില്‍വേ പോലീസിന്റെ ചോദ്യം ചെയ്യലില്‍ വിദ്യാര്‍ഥികള്‍ പറഞ്ഞത്.
Post Your Comments