നമ്പി നാരായണന്റെ നീതിക്കായുള്ള പോരാട്ടം മാര്‍ഗ്ഗദീപമാവുമെന്ന് ദിലീപ്

കൊച്ചി:  ഐഎസ്ആർഒ ചാരക്കേസിൽനിന്ന് നീതി ലഭിച്ച ബഹിരാകാശ ശാസ്ത്രജ്ഞന്‍ നമ്പി നാരായണന് അഭിനന്ദനങ്ങളുമായി നടൻ ദിലീപ്. നീതിക്കായുള്ള പോരാട്ടത്തില്‍ അദ്ദേഹം മാര്‍ഗ്ഗദീപമായി പ്രകാശിക്കുമെന്നാണ് ദിലീപ് ഫേസ്ബുക്കില്‍ കുറിച്ചത്.

തമിഴ് സിനിമാ നടന്മാരായ മാധവനും സൂര്യയും കോടതി വിധിയിലുള്ള തങ്ങളുടെ ആഹ്ലാദം സോഷ്യല്‍ മീഡിയയിലൂടെ പങ്കുവെച്ചിരുന്നു. ‘ആ വിധിയെത്തി. അവസാനമായി കുറ്റവിമുക്തനാക്കുന്ന വിധി. ഇതൊരു പുതിയ തുടക്കമാണ്. തുടക്കം മാത്രം’, സുപ്രീം കോടതി വിധി വന്നതിന്റെ വാര്‍ത്തയ്‌ക്കൊപ്പം മാധവന്‍ ട്വിറ്ററില്‍ കുറിച്ചതിങ്ങനെയാണ്. ഇത്തരമൊരു വിധിക്കുവേണ്ടി താനും കാത്തിരിക്കുകയായിരുന്നുവെന്ന് മാധവന്റെ ട്വീറ്റ് ഷെയര്‍ ചെയ്തുകൊണ്ടായിരുന്നു സൂര്യ പ്രതികരിച്ചു.

ചാരക്കേസിന്റെ വിധി വെള്ളിയാഴ്ചയാണ് പ്രഖ്യാപിച്ചത്. അരക്കോടി രൂപ നഷ്ടപരിഹാരം നല്‍കണമെന്ന് പറഞ്ഞ സുപ്രീംകോടതി നമ്പി നാരായണനെതിരായ ഗൂഢാലോചനയെക്കുറിച്ച് അന്വേഷിക്കാന്‍ ജസ്റ്റിസ് ഡി കെ ജയിന്‍ അധ്യക്ഷനായ സമിതിക്കും രൂപം നല്‍കിയിട്ടുണ്ട്. സമൂഹത്തിലെ ഉന്നത വ്യക്തിത്വമായ ശാസ്ത്രജ്ഞനെ സംശയത്തിന്റെ നിഴലില്‍ നിര്‍ത്തിയത് ഗുരുതരമായ പിഴവാണെന്നായിരുന്നു സുപ്രീംകോടതിയുടെ നിരീക്ഷണം.

https://www.facebook.com/ActorDileep/posts/1637317309765365?__xts__%5B0%5D=68.ARBEbCBNG1UlgIno2zlB314W7pj4VWfszApr02D5dsKYBXFqZ6LlXlzKCI1i4TJNRiWdQeSieylY0TxXsknk48QfKOEJ4sWDtedNYJ-5BJbMZT8k5WRQw8kOKJ1Ye-dCdqFsvbjFAEuZ8EyaUhnW9Sc2K3xuu1Dl3ZBLFzwOx9U1UfcD2dRWOA&__tn__=-R