ത്രിപുര പഞ്ചായത്ത് തിരഞ്ഞെടുപ്പ്: വമ്പൻ ജയവുമായി ബിജെപി

അഗർത്തല: ത്രിപുരയിൽ പഞ്ചായത്ത് തെരഞ്ഞെടുപ്പിൽ വമ്പൻ വിജയം സ്വന്തമാക്കി ബിജെപി. തെരഞ്ഞെടുപ്പ് നടന്ന 96 ശതമാനം സീറ്റുകളിലും ബിജെപി എതിരില്ലാതെ തെരഞ്ഞെടുക്കപെടുകയായിരുന്നു. നാമനിർദ്ദേശ പത്രിക സമർപ്പിക്കാനുള്ള കാലാവധി ഇന്നലെ അവസാനിച്ചപ്പോഴാണ് 96 ശതമാനം സീറ്റുകളിലും ബിജെപി എതിരില്ലാതെ വിജയം നേടിയത്.3386 സീറ്റുകളിലേക്ക് വരുന്ന സെപ്റ്റംബർ മുപ്പതിനായിരുന്നു തെരഞ്ഞെടുപ്പ് നടക്കേണ്ടിയിരുന്നത്. ബാക്കി വരുന്ന സീറ്റുകളിൽ സെപ്റ്റംബർ 30 ന് ‌ തെരഞ്ഞെടുപ്പ് നടക്കും.

മുൻപ് ഈ സീറ്റുകളിലേക്ക് തെരഞ്ഞെടുക്കപ്പെട്ട ഇടതുപക്ഷ മെംബർമാർ ബിജെപി സർക്കാർ അധികാരത്തിലെത്തിയതോടെ രാജിവെക്കുകയായിരുന്നു. തുടർന്ന് തെരഞ്ഞെടുപ്പ് തീരുമാനിച്ചെങ്കിലും ജനപിന്തുണ ഇല്ലാതായതോടെ സ്ഥാനാർത്ഥികളെ നിർത്താൻ ഇടതു പക്ഷത്തിനു കഴിഞ്ഞില്ല. ഇതോടെ ഭൂരിഭാഗം സീറ്റുകളിലും ബിജെപി വിജയിച്ചു കയറുകയായിരുന്നു. 28 ബ്ളോക്കുകളിൽ പത്രിക നൽകാൻ ബിജെപി പ്രവർത്തകർ അനുവദിച്ചില്ലെന്നാണ് സിപിഎം ആരോപണം

.