ദുബായ് : യു.എ.ഇയിലേയ്ക്ക് പോകാന്‍ തയ്യാറെടുക്കുന്നവര്‍ക്ക് സന്തോഷ വാര്‍ത്ത. യു എ ഇയില്‍ വിസ നിയമങ്ങള്‍ പരിഷ്‌കരിച്ചതോടെ ഇന്ത്യയുള്‍പ്പെടെയുള്ള രാജ്യങ്ങളില്‍ നിന്ന് നിരവധി പേരാണ് യു.എ.ഇയിലേയ്ക്ക് തൊഴില്‍ തേടി എത്തുന്നത്. ഇത്തരത്തില്‍ തൊഴില്‍ തേടുന്നവര്‍ക്ക് മികച്ച അവസരമാണ് ഇന്ത്യന്‍ എംബസി ഒരുക്കുന്നത്. ജോലി തേടുന്ന ഇന്ത്യക്കാര്‍ക്ക് ജോബ് ഫെയര്‍ ഒരുക്കുകയാണ് എംബസി. സെപ്റ്റംബര്‍ 16ന് രാവിലെ ഒമ്പത് മണി മുതല്‍ ഉച്ചയ്ക്ക് രണ്ട് വരെ അബുദാബി മിന റോഡിലെ ഇന്ത്യന്‍ സോഷ്യല്‍ കള്‍ച്ചറല്‍ സെന്ററി (ഐ എസ് സി)ലാണ് ജോബ് ഫെയര്‍ സംഘടിപ്പിച്ചിരിക്കുന്നത്. 10 മുതല്‍ 15 കമ്പനികള്‍ ജോബ് ഫെയറില്‍ പങ്കെടുക്കുമെന്നാണ് കരുതുന്നതെന്ന് ഇന്ത്യന്‍ അംബാസിഡര്‍ നവദീപ് സിങ് സുരി പറഞ്ഞു. ആറു മാസത്തെ താല്‍ക്കാലിക വിസ എടുത്തവര്‍ പ്രവൃത്തി പരിചയ സര്‍ട്ടിഫിക്കറ്റ്, പാസ്പോര്‍ട്ട് എന്നിവ കയ്യില്‍ കരുതണം.
Post Your Comments