ലാഹോര്‍: പീഡന ശ്രമത്തെ ചെറുത്ത ട്രാന്‍സ് ജെന്‍ഡര്‍ യുവാവിനെ നാല് പേര്‍ ചേര്‍ന്ന് തീകൊളുത്തി കൊലപ്പെടുത്തി. ശരീരത്തിന്റെ 80 ശതമാനവും പൊള്ളലേറ്റ യുവാവ് ആശുപത്രിയില്‍ കൊണ്ടു പോകും വഴിയാണ് മരിച്ചത്. ലാഹോറിലെ സഹിവാളില്‍ വ്യാഴാഴ്ചയാണ് സംഭവം. സഹിവാളില്‍ നിന്നും നാലുപേര്‍ ചേര്‍ന്ന് യുവാവിനെ തട്ടിക്കൊണ്ടുപോയി ലൈംഗിക ബന്ധത്തിന് നിര്‍ബന്ധിക്കുകയായിരുന്നു. എന്നാല്‍ യുവാവ് ചെറുത്തതോടെ ഇവര്‍ തീകൊളുത്തുകയായിരുന്നു.
പ്രതികളെ നാലു പേരെയും പൊലീസ് അറസ്റ്റ് ചെയ്തു. ആളൊഴിഞ്ഞ സ്ഥലത്തെത്തിച്ചായിരുന്നു പീഡന ശ്രമം. അതു വഴി കടന്നു പോയവരാണ് യുവാവിന് തീപിടിച്ചിരിക്കുന്നത് കണ്ടതും ഉടന്‍ തന്നെ തീകെടുത്തി രക്ഷിക്കാന്‍ ശ്രമിച്ചതും. എന്നാല്‍ യുവാവ് ആശുപത്രിയില്‍ കൊണ്ടു പോകും വഴി മരിക്കുകയായിരുന്നു. പാകിസ്ഥാന്‍ വടക്കന്‍ പ്രദേശങ്ങളില്‍ ട്രാന്‍സ്ജന്‍ഡര്‍ വിഭാഗക്കാര്‍ ഒട്ടും സുരക്ഷിതരല്ലെന്നാണ് റിപ്പോര്‍ട്ട്.
Read Also: കോണ്‍വെൻറിലെ കിണറ്റിൽ മരിച്ച നിലയിൽ കണ്ടെത്തിയ കന്യാസ്ത്രീയുടെ സംസ്കാരം ഇന്ന്
Post Your Comments