നടപ്പാതയിലേക്ക് കാർ ഇടിച്ചു കയറി; രണ്ട് മരണം

ന്യൂഡല്‍ഹി: ഡൽഹിയിൽ നടപ്പാതയിലേക്ക് കാർ ഇടിച്ചു കയറി രണ്ട് പേർ മരിച്ചു. ഒരാൾക്ക് ഗുരുതരമായി പരിക്കേൽക്കുകയും ചെയ്‌തു. ഡൽഹി രജൗരിയിലെ ഇസിഐ ആശുപത്രിക്ക് മുന്നിൽ കഴിഞ്ഞ ദിവസം രാവിലെയാണ് അപകടം ഉണ്ടായത്. കാർ ഓടിച്ചിരുന്ന ആളെ പോലീസ് പിടികൂടിയിട്ടുണ്ട്.

ALSO READ: ബാരിയറുകൾ തകർത്ത് കാർ ഇടിച്ചു കയറി നിരവധി പേര്‍ക്ക് പരിക്ക്

തെരുവിൽ ഉറങ്ങിക്കിടന്ന ആളുകളുടെ ഇടയിലേക്കാണ് കാർ ഇടിച്ചു കയറിയത്. പരിക്കേറ്റവരെ ഉടൻ തന്നെ തൊട്ടടുത്തുള്ള ഇസിഐ ആശുപത്രിയിലേക്ക് എത്തിച്ചെങ്കിലും ജീവൻ രക്ഷിക്കയില്ല. സംഭവത്തിൽ ഡൽഹി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.