ടോക്കിയോ: ട്വിറ്ററിലൂടെ പരിചയപ്പെട്ട 9 പേരെ കൊലപ്പെടുത്തിയ 27കാരന്‍ അറസ്റ്റില്‍. ‘ട്വിറ്റര്‍ കൊലയാളി’ എന്നറിയപ്പെടുന്ന തകാഹിരോ ശിരൈഷി ആണ് പിടിയിലായത്. 15 മുതല്‍ 26 വരെ വയസ്സുള്ളവരെയാണ് ഇയാള്‍ കൊലപ്പെടുത്തിയത്. ഇവരില്‍ ഒരാള്‍ യുവതിയാണ്. ആത്മഹത്യാ പ്രവണത കാണിക്കുന്നുവെന്ന് തോന്നുന്ന ആളുകളെ ട്വിറ്ററിലൂടെ പരിചയപ്പെട്ട് അവരെ സഹായിക്കാമെന്നും ഒപ്പം മരിക്കാമെന്നും ഇയാള്‍ വാക്ക് കൊടുക്കും. തുടര്‍ന്ന് തകാഹിരോ യുടെ വാക്ക് വിശ്വസിച്ച് ഇര ഇയാളുടെ വീട്ടിലെത്തും. എന്നാല്‍ വീട്ടിലെത്തുന്നവരെ ഇയാള്‍ വെട്ടിക്കൊലപ്പെടുത്തും.
തുടര്‍ന്ന് മൃതദേഹങ്ങള്‍ വെട്ടിനുറുക്കി കൂളറുകള്‍, ടൂള്‍ ബോക്‌സുകള്‍, പെട്ടികള്‍ എന്നിവയിലാക്കും. എന്നാല്‍ കഴിഞ്ഞ ഹാലോവീന്‍ ദിനത്തില്‍ പൊലീസിനെ ഇയാലെ പറ്റി സംശയം തോന്നുകയും അന്വേഷണം നടത്തുകയുമായിരുന്നു. ഒന്‍പത് കൊലകളും താന്‍ തന്നെയാണ് ചെയ്തതെന്ന് ഇയാള്‍ പൊലീസിന് മൊഴി നല്‍കി. തകാഹിരോയുടെ മാനസികനില പരിശോധിച്ച ഡോക്ടര്‍മാരുടെ സംഘം, ബോധപൂര്‍വമാണ് ഇയാള്‍ കുറ്റകൃത്യം ചെയ്തതെന്ന് കണ്ടെത്തി.
Post Your Comments