മലയാളത്തിന്റെ പ്രിയ നടന്‍ മമ്മൂട്ടിയുടെ സൂപ്പര്‍ഹിറ്റ്‌ ചിത്രമായ ‘മാസ്റ്റര്‍പീസ്‌’, തമിഴില്‍ ‘ചാണക്യന്‍’ ആയി പ്രദര്‍ശനത്തിനെത്തുന്നു. ചിത്രത്തിലെ ആദ്യ ഗാനം പുറത്തിറങ്ങി. മമ്മൂട്ടിയുടെ ജന്മദിനമായ ഇന്നാണ് (സെപ്റ്റംബര്‍ 7) ചിത്രത്തിലെ അതിമനോഹരമായ ക്യാമ്പസ് ഗാനം ഈസ്റ്റ്‌ കോസ്റ്റ് യൂട്യൂബ് ചാനലിലൂടെ പ്രേക്ഷകര്‍ക്കായി സമര്‍പ്പിച്ചത്.
‘വാനത്തില്‍ മേലെ..’ എന്ന് തുടങ്ങുന്ന ഗാനം ആലപിച്ചിരിക്കുന്നത് അയ്യപ്പനാണ്. വിവേകയുടെതാണ് വരികള്‍ക്ക് ദീപക് ദേവ് ഈണം പകര്‍ന്നിരിക്കുന്നു
പുലിമുരുകനു ശേഷം ഉദയ കൃഷ്ണ തിരക്കഥയെഴുതിയ ചിത്രത്തിൽ മാസ് ലുക്കിലാണ് മമ്മൂട്ടി എത്തുന്നത്. എഡ്ഡി എന്ന കോളജ് അധ്യാപകന്റെ വേഷത്തിൽ മമ്മൂട്ടി എത്തുന്ന ഈ ചിത്രം അജയ് വാസുദേവ് ആണു സംവിധാനം ചെയ്തിരിക്കുന്നത്. റോയല്‍ സിനിമാസിന്റെ ബാനറില്‍ സി.എച്ച് മുഹമ്മദ്‌ നിര്‍മ്മിച്ചിരിക്കുന്ന ചിത്രത്തില്‍ മമ്മൂട്ടിയ്ക്ക് പുറമേ ഉണ്ണിമുകുന്ദന്‍, വരലക്ഷ്മി ശരത് കുമാര്‍, പൂന ബജ്‌വ, ഗോകുല്‍ സുരേഷ് , ലെന, മഖ്ബൂല്‍ സല്‍മാന്‍ തുടങ്ങി വന്‍ താരനിരയും അണിനിരക്കുന്നു.
Post Your Comments