ഡോ. ബിജു സംവിധാനം ചെയ്യുന്ന പത്താമത്തെ സിനിമയാണ് വെയിൽ മരങ്ങൾ. ഇപ്പോഴും വെയിലത്തു നില്ക്കാൻ വിധിക്കപെട്ട മനുഷ്യരുടെ അതിജീവനത്തിന്റെയും പാലായനത്തിന്റെയും കഥയാണ് വെയിൽ മരങ്ങൾ പറയുന്നത്. ഇന്ദ്രൻസ് വീണ്ടും നായകവേഷത്തിൽ എത്തുന്ന ചിത്രം എന്ന പ്രത്യേകതെയും വെയിൽ മരങ്ങൾ എന്ന ചിത്രത്തിനുണ്ട്.
സോമ ക്രിയേഷന്‍സിന്റെ ബാനറില്‍ ബേബിമാത്യു സോമതീരാമണ് ചിത്രം നിർമ്മിക്കുന്നത്. നാടകങ്ങളിലൂടെ പ്രശസ്തയായ സരിത കുക്കു, കൃഷ്ണൻ ബാലകൃഷ്ണൻ, മാസ്റ്റര്‍ ഗോവര്‍ദ്ധൻ എന്നിവരും ചിത്രത്തിൽ പ്രാധാനവേഷത്തിൽ എത്തുന്നു.
നാല് ഋതുക്കളിലൂടെ പറയുന്ന കഥയുടെ മൂന്നു കാലങ്ങള്‍ ഹിമാചലിലും മഴക്കാലം കേരളത്തിലുമാണ് ചിത്രീകരിച്ചത്. എം ജെ രാധാകൃഷ്ണന്‍ ഛായാഗ്രാഹകനായ ചിത്രത്തിന്റെ എഡിറ്റ് ഡേവിസ് മാനുവലാണ്. വിവിധ കാലാവസ്ഥയിൽ ചിത്രീകരിച്ചത് കൊണ്ട് ഒരു വർഷമെടുത്താണ് ചിത്രീകരണം പൂർത്തിയായത്.
Post Your Comments