സാബുവിന്റെ ചെകിട് അടിച്ചു പൊട്ടിക്കും എന്ന് ഹിമ, വിരട്ടൽ തന്റെ അടുത്ത് നടക്കില്ല എന്ന സാബു; ബിഗ് ബോസ്സിൽ നാടകീയ രംഗങ്ങൾ

ബിഗ് ബോസ് മലയാളത്തിലെ കഴിഞ്ഞ എപ്പിസോഡിൽ നാടകീയ രംഗങ്ങളാണ് അരങ്ങേറിയത്. ഹിമയും സാബുവും തമ്മിലുള്ള പ്രശ്നം വീണ്ടും വഷളായി. ആദ്യമൊന്നും നേരിട്ട് ഏറ്റുമുട്ടാത്തവർ ഇപ്പൊ നേർക്ക് നേർ ആണ്. ആദ്യം ഉണ്ടായിരുന്ന ഹിമയല്ല പുറത്തായതിന് ശേഷം വന്ന ഹിമയെന്നാണ് പൊതുവെയുള്ള അഭിപ്രായം.

ഹിമയും അരിസ്റ്റോ സുരേഷും തമ്മിലുളള തര്‍ക്കത്തിനു പിന്നാലെയായിരുന്നു സാബുവുമായുളള വഴക്ക്. ഇതിനു സാബു ചുക്കാൻ പിടിച്ചതാണ് ഹിമയെ ചൊടിപ്പിച്ചത്. എലിമിനേഷൻ എത്തി നിൽക്കുന്നത് കൊണ്ടാണ് ഹിമ ഇവിടെ ഇപ്പോൾ സീൻ ക്രീയേറ്റ് ചെയ്യുന്നതെന്ന് സാബു പറഞ്ഞു. ഇതില്‍ ദേഷ്യം വന്ന ഹിമ സാബുവിന്റെ ചെകിട് അടിച്ച്‌ പൊട്ടിച്ചിട്ടേ ഇവിടെ നിന്ന് പുറത്തു പോകുവെന്ന് പറഞ്ഞു. ഹിമ തന്നോട് പെരുമാറുന്നത് വളരെ മോശമായിട്ട് ആണെന്നും അതിനാല്‍ തന്നെ ഹിമയെ ഒന്ന് ഉപദേശിക്കാന്‍ ബിഗ് ബോസിനോട് സാബു ആവശ്യപ്പെടുകയും ചെയ്തു.

അതേസമയം ഹിമക്ക് തന്നെ തൊടാൻ പോലും കഴിയില്ലെന്ന് സാബു പറഞ്ഞു. നിന്റെ വിരട്ടല്‍ എന്റെ അടുത്ത് നടക്കില്ലെന്നും സാബു പറഞ്ഞു. തന്നെ അടിക്കാന്‍ ഹിമ ആയിട്ടില്ലെന്നും സാബു വ്യക്തമാക്കി. രാത്രി സാബു തന്നെ അവഗണിക്കുന്നു എന്ന് പറഞ്ഞു ഹിമ മഴയത്ത് പോയിരുന്നു. അവസാനം സാബു വന്നു കെട്ടിപിടിച്ച് മാപ്പ് പറഞ്ഞതിന് ശേഷം ആണ് ഹിമ അകത്തേക്ക് വന്നത്.