ട്രെയിൻ തട്ടി പന്ത്രണ്ട് വയസുകാരിക്ക് ദാരുണാന്ത്യം

കോഴിക്കോട്: പന്ത്രണ്ട് വയസുകാരി ട്രെയിന്‍ തട്ടി മരിച്ചു .ഇന്ന് രാവിലെ പയ്യോളി രണ്ടാം ഗെയ്റ്റിന് സമീപമായിരുന്നു അപകടം. മണ്ണംകുണ്ടില്‍ നാസറിന്റെ മകള്‍ അന്ന ഫാത്തിമ(12)യാണ് മരിച്ചത്. തൃക്കോട്ടൂര്‍ യു.പി സ്‌കൂളിലെ ഏഴാം ക്ലാസ് വിദ്യാര്‍ഥിനിയാണ്. ട്രെയിന്‍ പിറകില്‍ നിന്ന് വരുന്നത് കണ്ട് കുട്ടി പാളത്തില്‍ നിന്നും നിന്നും ഓടി രണ്ടാം ഗെയിറ്റിലെ റോഡിലെത്താന്‍ ശ്രമിക്കുമ്പോഴാണ് അപകടം ഉണ്ടായത്. മൃതദേഹം കൊയിലാണ്ടി താലൂക്ക് ആശുപത്രിയിലേക്ക് മാറ്റി. മൃതദേഹം പോസ്റ്റ് മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും. മാതാവ്: നജില. സഹോദരങ്ങള്‍: ആഷിക,അജിനാസ്.

ALSO READ: വിദ്യാര്‍ത്ഥികൾ ട്രെയിന്‍ തട്ടി മരിച്ച നിലയില്‍