ന്യൂഡല്‍ഹി: കശ്മീരില്‍ ഭീകരര്‍ ബന്ദിയാക്കിയ പോലീസുകാരുടെ വീഡിയോ പുറത്ത്. ഭീകരരുടെ ബന്ധുക്കളെ ഉപദ്രവിക്കരുതെന്നും അവരുടെ വീടുകള്‍ തകര്‍ക്കരുതെന്നും തങ്ങളുടെ കുടുംബാംഗങ്ങള്‍ അപകടത്തിലാണെന്നും പോലീസുകാർ വീഡിയോയിലൂടെ ഡിജിപിയോട് അഭ്യർത്ഥിക്കുന്നുണ്ട്. ഭീകരർ ബന്ദിയാക്കിയ മൂന്ന് പേരുടെ വീഡിയോയാണ് പുറത്തുവന്നിരിക്കുന്നത്. പോലീസുകാരെയും കുടുംബാംഗങ്ങളെയും തടവിലാക്കിയ ശേഷം ഭീകരര്‍ ഭീഷണിപ്പെടുത്തിയാണ് വീഡിയോ ചിത്രീകരിച്ചിരിക്കുന്നതെന്നാണ് സൂചന.
ബുധനാഴ്ച്ച കശ്മീരില്‍ വെച്ച് നടന്ന തീവ്രവാദി ആക്രമണത്തില്‍ നാല് പോലീസ് ഉദ്യാഗസ്ഥര്‍ കൊല്ലപ്പെട്ടത്തിന്റെ പശ്ചാത്തലത്തിൽ തീവ്രവാദികളുടെ കുടുബാംഗങ്ങളെ പോലീസ് കസ്റ്റഡിയിലെടുത്തിരുന്നു. തുടര്‍ന്നാണ് തീവ്രവാദികള്‍ പോലീസുകാരുടെ ബന്ധുക്കളെ തട്ടിക്കൊണ്ടുപോകുകയായിരുന്നു. പിന്നീട് പോലീസുമായി വിലപേശല്‍ നടത്തുകയും ഒടുവില്‍ ഭീകരരുടെ ബന്ധുക്കളെ വിട്ടയക്കുകയുമായിരുന്നു.
Post Your Comments