ഹൈദരാബാദ്: ആന്ധ്രാപ്രദേശ് മുന്‍ മുഖ്യമന്ത്രി എന്‍.ടി.രാമറാവുവിന്റെ നാലാമത്തെ മകനും നടനുമായ നന്ദമുരി ഹരിഷകൃഷ്ണ (62) വാഹനാപകടത്തില്‍ മരിച്ചു. ഹൈദരാബാദില്‍ നിന്ന് നൂറ് കിലോമീറ്റര്‍ അകലെ നല്‍ഗൊണ്ടയില്‍ ഇന്ന് പുലര്‍ച്ചെ ആയിരുന്നു അപകടം. ഹരികൃഷ്ണ സഞ്ചരിച്ചിരുന്ന കാര്‍ ഡിവൈഡറില്‍ ഇടിച്ച്‌ തലകീഴായി മറിയുകയായിരുന്നു. നെല്ലൂരില്‍ ഒരു വിവാഹ ചടങ്ങില്‍ പങ്കെടുക്കാന്‍ പോകുകകയായിരുന്ന ഹരികൃഷ്ണ അമിതവേഗത്തിലാണ് കാര്‍ ഓടിച്ചിരുന്നതെന്ന് പൊലീസ് പറഞ്ഞു. .
കാര്‍ പൂര്‍ണമായും തകര്‍ന്നു. തെലുങ്കുദേശം പാര്‍ട്ടിയുടെ സ്ഥാപകന്‍ കൂടിയായ എന്‍.ടി.ആറിന്റെ നാലാമത്തെ മകനാണ് . നടന്‍ കൂടിയായിരുന്ന ഹരികൃഷ്ണ 2008ല്‍ രാജ്യസഭാംഗമായിരുന്നു. ലക്ഷ്‌മി ഹരികൃഷ്‌ണയാണ് ഭാര്യ. നന്ദമുരി കല്യാണ രാമന്‍, ജാനകി രാം നന്ദമൂരി ജൂനിയർ എൻ ടി ആർ,എന്നിവര്‍ മക്കളാണ്. ജൂനിയർ എൻ ടി ആറിന്റെ ‘അമ്മ ശാലിനി ഹരികൃഷ്ണയും മറ്റൊരു ഭാര്യയാണ്.
Post Your Comments