റിയാദ്: ഹജ്ജ് ചടങ്ങുകള്‍ക്കിടെ മക്കയില്‍ യുവാവ് ആത്മഹത്യ ചെയ്തു . മക്കയിലെ മസ്ജിദുല്‍ ഹറമിലാണ് അറബ് പൗരന്‍ ആത്മഹത്യ ചെയ്തത്.. ഹജ്ജിന്റെ ചടങ്ങുകള്‍ പുരോഗമിക്കുന്നതിനാല്‍ ലക്ഷക്കണക്കിന് ഹാജിമാര്‍ മസ്ജിദുല്‍ ഹറമിലുണ്ടായിരുന്നു. ഇതിനിടയിലാണ് യുവാവ് ആത്മഹത്യ ചെയ്തത്. ഹറം പള്ളിയുടെ മുകളിലെ നിലയില്‍ കയറിയ ശേഷം താഴേക്ക് ചാടുകയായിരുന്നുവെന്നാണ് ഖലീജ് ടൈംസ് റിപ്പോര്‍ട്ട് ചെയ്യുന്നത്. സംഭവത്തില്‍ മറ്റ് രണ്ട് ഹാജിമാര്‍ക്ക് പരിക്കേറ്റിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചു. കഴിഞ്ഞ ജൂണില്‍ ഒരു ബംഗ്ലാദേശി പൗരനും ഫ്രഞ്ച് പൗരനും ഇവിടെ ആത്മഹത്യ ചെയ്തിരുന്നു.
Post Your Comments