വാഹനാപകടത്തിൽ യുവാവിന് ദാരുണമരണം

കാസർഗോഡ് : വാഹനാപകടത്തിൽ യുവാവിന് ദാരുണമരണം. കുമ്പള ശാന്തിപ്പള്ളം ബദ് രിയ നഗര്‍ റോഡിലെ റമീസ് റാസ് (24) ആണ് മരിച്ചത്. വെള്ളിയാഴ്ച രാത്രി 8.15നു ബന്തിയോട് വെച്ച് ബൈക്കുകള്‍ തമ്മിൽ കൂട്ടിയിടിച്ചായിരുന്നു അപകടം.

Also read : ശക്തമായ ഭൂചലനം : മരിച്ചവരുടെ എണ്ണം 557 ആയി

കര്‍ണാടക ഭാഗത്തേക്ക് പോവുകയായിരുന്ന റമീസ് സഞ്ചരിച്ചിരുന്ന ബൈക്കില്‍ എതിരെ നിന്നും വരികയായിരുന്ന ബൈക്കിടിക്കുകയും റോഡിലേക്ക് തെറിച്ചുവീഴുകയുമായിരുന്നു. ഗുരുതരമായി പരിക്കേറ്റ റമീസിനെ ഉടന്‍ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ ആയില്ല.