റിയാദ്•സൗദി രാജകുമാരന്‍ പ്രിന്‍സ് മുഖ്റിന്‍ ബിന്‍ സൗദ് ബിന്‍ സൗദ് ബിന്‍ അബ്ദുള്‍ അസിസ് അല്‍ സൗദിന്റെ മാതാവ് അന്തരിച്ചു. മയ്യത്ത് നമസ്കാരം വ്യാഴാഴ്ച അസര്‍ നമസ്കാരത്തിന് ശേഷം റിയാദിലെ ഇമാം തുര്‍ക്കി ബിന്‍ അബ്ദുള്ള മോസ്കില്‍ നടക്കുമെന്ന് സൗദി റോയല്‍ കോര്‍ട്ട് അറിയിച്ചു.
സൗദി രാജകുടുംബാംഗത്തിന്റെ വിയോഗത്തില്‍ യു.എ.ഇ പ്രസിഡന്റ് ഷെയ്ഖ് ഖലിഫ ബിന്‍ സയിദ് അല്‍ നഹ്യാന്‍, വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മൊഹമ്മദ്‌ ബിന്‍ റാഷിദ്‌ അല്‍ മക്തൂം, യു.എ.ഇ കിരീടാവകാശിയും യു.എ.ഇ സായുധ സേനയുടെ ഡെപ്യൂട്ടി സുപ്രീം കമാന്‍ഡറുമായ ഷെയ്ഖ് മൊഹമ്മദ്‌ ബിന്‍ സയീദ്‌ അല്‍ നഹ്യാന്‍ തുടങ്ങിയവര്‍ സൗദി രാജാവും സൗദിയിലെ രണ്ട് വിശുദ്ധ മോസ്കുകളുടെ കസ്റ്റോഡിയനുമായ സല്‍മാന്‍ രാജാവിനെ അനുശോചനം അറിയിച്ചു.
Post Your Comments