വെള്ളമിറങ്ങി തുടങ്ങിയതോടെ മാരക വിഷമുള്ള ഇഴജന്തുക്കളും പുറത്തിറങ്ങിയെന്ന് ഷാൻ റഹ്മാൻ

കേരളത്തെ മുഴുവനായി വിഴുങ്ങിയ പ്രളയത്തിൽ നിന്നും പതിയെ കരകയറി വരുകയാണ് മലയാളികൾ. ഇതോടെ ഉറങ്ങിക്കിടന്ന ചില ഇഴജന്തുക്കളും പുറത്തിറങ്ങി തുടങ്ങിയെന്നു പറയുകയാണ് സംഗീത സംവിധായകൻ ഷാൻ റഹ്മാൻ. വെള്ളം ഇറങ്ങി തുടങ്ങിയതോടെ അതിനൊപ്പം ഇറങ്ങി വരുന്ന മതം, രാഷ്ട്രീയം തുടങ്ങിയ ഇഴജന്തുക്കളെ കുറിച്ചാണ് ഷാൻ പറയുന്നത്. തന്റെ ഫേസ്ബുക് പോസ്റ്റിലൂടെയാണ് ഷാൻ ഇക്കാര്യം വ്യക്തമാക്കിയത്.

ഷാന്റെ ഫേസ്ബുക് പോസ്റ്റിനു മികച്ച പിന്തുണയാണ് മറ്റുള്ളവരിൽ നിന്നും ലഭിച്ചത്. പ്രളയക്കെടുതിയിൽ നട്ടം തിരിഞ്ഞ ദുരിതബാധിതർക്കൊപ്പം ആദ്യം മുതൽ തന്നെ ഉള്ള ആളാണ് ഷാൻ റഹ്മാൻ. ഇപ്പോഴും ദുരിതാശ്വാസ പ്രവര്‍ത്തനങ്ങളുമായി മുന്നോട്ട് പോകുകയാണ്.