കൊച്ചി : സെർബിയൻ താരം നികോള ക്രാമറവിച് പുതിയ ഐ എസ് എൽ സീസണിൽ കേരള ബ്ലാസ്റ്റേഴ്സിലേക്ക്. സെർബിയയിൽ നിന്നുള്ള കേരളത്തിന്റെ മൂന്നാമത്തെ താരമാണ് നികോള. ഇതോടുകൂടി ടീമിലെത്തുന്ന ഏഴാമത്തെ വിദേശ താരമാകും നികോള ക്രാമറവിച്.
മിഡ്ഫീൽഡറായ ക്രാമറവിചിന്റെ ബ്ലാസ്റ്റേഴ്സുമായി കരാർ ഒപ്പിടാനുള്ള നടപടികൾ പുരോഗമിക്കുകയാണെന്നും താരം ഇപ്പോൾ മെഡിക്കൽ പൂർത്തിയാക്കുന്നതിനായി അഹമ്മദബാദിൽ ഉണ്ടെന്നുമാണ് റിപ്പോർട്ട് . ബോക്സ് ടു ബോക്സ് മിഡ്ഫീൽഡറർ റോളിൽ കളിക്കുന്ന നികോളയുടെ വരവ് കേരള ബ്ലാസ്റ്റേഴ്സിന്റെ മിഡ്ഫീൽഡിലെ പ്രശ്നങ്ങൾക്ക് പരിഹാരമാകുമെന്നാണ് കരുതപ്പെടുന്നത്.
Read also:മെഡല്‍ പ്രതീക്ഷ അസ്തമിച്ചു ; ദീപ കര്‍മാക്കര്‍ പിന്മാറി
സ്വീഡിഷ് ക്ലബായ സിറിയൻസ്കയിൽ നിന്നാണ് നികോള ബ്ലാസ്റ്റേഴ്സിലേക്ക് എത്തുന്നത്. ഗ്രീക്ക് ക്ലബായ പനെലെഫ്ലിനാകോസ്, സെർബിയൻ ക്ലബായ രാഡ്നിക്ക് തുടങ്ങിയ ക്ലബുകൾക്കും കളിച്ചിട്ടുണ്ട്. ലാകിച് പെസിച്, സ്ലവിസ സ്റ്റൊഹാനൊവിച് എന്നിവരാണ് ടീമിലുള്ള മറ്റ് സെർബിയൻ താരങ്ങൾ.
Post Your Comments